बस्तर के होनहार अविनाश तिवारी ले टोक्यो म मिलिन मुख्यमंत्री श्री विष्णुदेव साय

छत्तीसगढ़ म उद्योग स्थापना ल लेके होइस सकारात्मक चर्चा
रायपुर, मुख्यमंत्री श्री विष्णुदेव साय ह अपन जापान प्रवास के समय टोक्यो म BOYES & MOORES INTERNATIONAL COMPANY जापान के बोर्ड ऑफ डायरेक्टर अऊ बस्तर के गौरव श्री अविनाश तिवारी ले सौहार्दपूर्ण मुलाकात करिन। ए बेरा म छत्तीसगढ़ म औद्योगिक निवेश अऊ उद्योग स्थापना के संभावना मन उपर महत्वपूर्ण चर्चा होइस, जेमां मुख्यमंत्री श्री साय ह राज्य सरकार के निवेश-अनुकूल नीति, औद्योगिक आधारभूत ढांचा अऊ निवेशक मन ल मिलइया सहयोग के जानकारी दीन।
जानबा हे के श्री अविनाश तिवारी, जेन मूलतः बस्तर जिला के तोकापाल क्षेत्र के रहवइया हे अऊ नवोदय विद्यालय, बारसूर (दंतेवाड़ा) के पहिली छात्र रहे हे, आज जापान के प्रतिष्ठित कंपनी म बोर्ड ऑफ डायरेक्टर के रूप म कार्यरत हे। वोखर पिता डॉ. सुरेश तिवारी सेवानिवृत्त गुरूजी हे।
मुख्यमंत्री श्री साय ह भरोसा जताइस के श्री तिवारी जइसे युवा, जऊन बस्तर के धरती ले निकलके अंतरराष्ट्रीय स्तर म पहिचान बनाए हे, जेकर सहभागिता ले प्रदेश म उद्योग अऊ रोजगार के नवा अवसर सृजित होही।
मुख्यमंत्री श्री साय ह कहिन कि ये गरब के बात हे के बस्तर के धरती ले निकलके वैश्विक मंच म पहिचान बनइया प्रतिभाशाली युवा अब छत्तीसगढ़ के विकास म योगदान देवइया हे।