मुख्यमंत्री के हुकुम म लउहे मिलिस कोचली के सुनीता ल बीपीएल राशन कारड

रायपुर, मुख्यमंत्री श्री भूपेश बघेल के हुकुम के अगला भिनसरहा ही बलरामपुर जिला के ग्राम कोचली निवासी श्रीमती सुनीता कुम्हरिया ल बीपीएल के राशन कार्ड मिल गीस हे। अधिकारी मन ह मुख्यमंत्री के हुकुम म लउहे कार्यवाही करत न सिरिफ राशन कार्ड बनाइन भलुक अवइया भिनसरहा राशन कार्ड घर तक पंहुचाइन। राशन कार्ड मिले म श्रीमती सुनीता ह प्रसन्नता व्यक्त करत मुख्यमंत्री के प्रति आभार व्यक्त करिस।
जानबा हे कि मुख्यमंत्री श्री भूपेश बघेल अभी सरगुजा संभाग म भेंट मुलाकत दौरा म हे। बिरसपत 05 मई के ग्राम डौरा म आमनागरि मन ले भेंट-मुलाकात के समय ग्राम कोचली के श्रीमती सुनीता ह मुख्यमंत्री मेर अपन आर्थिक परेशानी बतात मुख्यमंत्री ले गरीबी रेखा के राशन कार्ड बनाए के अनुरोध करे रहिस। मुख्यमंत्री ह श्रीमती सुनीता के अनुरोध ल गंभीरता ले लेत पात्रता मुताबिक तुरते राशनकार्ड जारी करे बर विभागीय अधिकारी मन ल हुकुम दीन। परीक्षण म श्रीमती सुनीता बीपीएल श्रेणी बर पात्र पाए गीस। अऊ अगलेच दिन ही ओ ल खाद्य विभाग कोति ले राशन कार्ड जारी कर दे गीस। श्रीमती सुनीता कुम्हरिया बीपीएल राशन कार्ड के पात्रता रखथे। ओला बीपीएल पेंशन नियमित रूप ले मिलत हे। फेर ओखर एपीएल के राशन कार्ड नइ बने रहिस।