उत्तर बस्तर कांकेर: भिरौद गौठान म गौमूत्र ले ब्रह्मास्त्र तियार करके स्व सहायता समूह के महिला मन करत हे कमई

उत्तर बस्तर कांकेर, मुख्यमंत्री श्री भूपेश बघेल ह हरेली तिहार 28 जुलाई 2022 ले गोधन न्याय योजना के तहत गोमूत्र के खरीदी चालू करे रहिन। जैविक खेती कोति किसान मन ल आगू बढ़ाए अऊ फसल मन ल रासायनिक दवइ मन ले होवइया नुकसान ले बचाय बर गौठान मन म गोमूत्र के खरीदी करे जात हे, संगेच महिला स्व-सहायता समूह मन गौमूत्र ले जैविक कीटनाशक के निर्माण घलोक करत हें। गौठान मन म गोमूत्र विक्रय ले जेमां पशुपालक मन ल आर्थिक लाभ मिलत हे, उहें गोमूत्र ले जैविक कीट नियंत्रक ब्रह्मास्त्र तियार करके स्व-सहायता समूह के महिला मन घलोक आय अर्जित करत हें।
चारामा विकासखण्ड के भिरौद गांव के गौठान म गोधन न्याय योजना अंतर्गत चार रूपिया प्रति लीटर के दर ले 1693 लीटर गौमूत्र खरीदे गए हे जेकर से जानकी महिला स्व-सहायता समूह ह 648 लीटर कीट नियंत्रक ब्रह्मास्त्र तियार करे हे। वरिष्ठ कृषि विकास अधिकारी चारामा ह बताइस कि कीट नियंत्रण ब्रह्मास्त्र बनाए बर 10 लीटर गौमूत्र म नीम, सीताफल, पपीता अऊ करंज के दू-दू किलोग्राम पत्ति मन ल मिलाके ब्रह्मास्त्र तियार करे जात हे। भिरौद गौठान म महिला स्व-सहायता समूह ह 648 लीटर ब्रह्मास्त्र तियार करे हे, जेन ल 50 रूपिया प्रति लीटर के दर ले विक्रय करे जात हे। अब तक महिला समूह ह 489 लीटर ब्रह्मास्त्र बेंच के 24 हजार 450 रूपिया के आय अर्जित करे हे। जानकी महिला स्व-सहायता समूह के महिला मन ह गोधन न्याय योजना के तहत गोमूत्र के खरीदी चालू करे ले प्रदेश के मुख्यमंत्री श्री भूपेश बघेल ल धन्यवाद ज्ञापित करे हें।