बेमेतरा जिला जेल म न्यायाधीश ह कैदी मन ले करिन चर्चा

बेमेतरा, 10 मई 2024। जिला न्यायाधीश बृजेन्द्र कुमार शास्त्री ह जिला जेल के निरीक्षण करिन अउ बंदी मन ले गोठ-बात करिन ए बेरा म उमन कैदी मन ल मिलइया सुविधा अउ सुरक्षा मन के बारे म जानकारी लीन। निरीक्षण के समय उमन जेल अधीक्षक ल जरूरी निर्देश घलोक दीन। संगेच कैदी मन ल मिलइया भोजन अउ आन सुविधा मन के बारे म जानकारी लेत जिला जेल ले संबंधित इन्फास्ट्रक्चर, जेल के क्षमता, निरूद्ध बंदी मन बर विडियों कांफ्रेसिंग के माध्यम ले मुलाकात करे अउर न्यायालय पेशी म उपस्थित होए के संबंध म समीक्षा लीन। एखर अलावा जिला न्यायाधीश ह जेल अस्पताल के घलोक निरीक्षण करिन अऊ कैदी मन ल उपलब्‍ध स्वास्थ्य सुविधा के बारे म अउ ऊंखर खान-पान, जइसे मूलभूत सुविधा मन के पूर्ति ले संबंधित जानकारी लीन। निरीक्षण के समय जिला विधिक सेवा प्राधिकरण बेमेतरा के सचिव श्रीमती निधि शर्मा, व्यवहार न्यायाधीश वर्ग 01 के उपस्थिति रहीस अउर संगेच जेल अधीक्षक दिनेश ध्रुव उपस्थित रहिस।