केंद्रीय मंत्री ले छत्तीसगढ़ के सबो जिला मन म नवोदय अउ केंद्रीय विद्यालय शुरू करे के अनुरोध

रायपुर, 01 फरवरी 2024। छत्तीसगढ़ के स्कूल शिक्षा मंत्री श्री बृजमोहन अग्रवाल ह आज नई दिल्ली म केंद्रीय शिक्षा अउ कौशल विकास मंत्री श्री धर्मेंद्र प्रधान ले मुलाक़ात करके छत्तीसगढ़ के सबो जिला मन म नवोदय विद्यालय अऊ केंद्रीय विद्यालय शुरू करे के अनुरोध करिन। केंद्र से संचालित योजना मन के केंद्र सरकार के हिस्सेदारी बढ़ाए के घलोक उमन आग्रह करिन।
स्कूल शिक्षा मंत्री श्री बृजमोहन अग्रवाल ह मुलाकात के समय केंद्रीय मंत्री ल बताइन कि केंद्र के योजना पूरा शिक्षा, पीएम श्री योजना, मध्यान भोजन आदि म केंद्र अउ राज्य के हिस्सेदारी क्रमशः 40 प्रतिशत अऊ 60 प्रतिशत हे। कई बछर ले बजट के कई ठन उप मद मन बर निरधारित दर म वृद्धि नइ होए ले राज्य सरकार ल दिक्कत आवत हे। उमन बताइन कि छत्तीसगढ़ के 33 जिला मन म ले 16 जिला मन म नवोदय विद्यालय अउ केंद्रीय विद्यालय स्वीकृत हे। उमन शेष जिला मन म नवोदय अउ केंद्रीय विद्यालय स्वीकृत करे, स्कूली लइका मन ल निःशुल्क गणवेश के लागत राशि बढ़ाए के अनुरोध करिन।