रायपुर, 06 मई 2020। मुख्यमंत्री श्री भूपेश बघेल ह काली 7 मई के बुद्ध पूर्णिमा के अवसर म बौद्ध धर्म के अनुयायी मन के संग प्रदेशवासी मन ल बधाई अउ शुभकामना देहे हें। उमन अपन शुभकामना संदेश म कहे हें के महात्मा गौतम बुद्ध के विचार मूल्य बेहतर समाज अऊ राष्ट्र निर्माण बर हमेशा मार्गदर्शक रइही। महात्मा बुद्ध ह मनखे मन ल अहिंसा, समानता अऊ बंधुत्व के संदेश दीन। उंखर शिक्षा ल विदेश मन म घलोक मनखे मन ह अपनाइन अऊ लाखों अनुयायी ऊंखर देखाये रद्दा म रेंग के देश-दुनिया ल शांति के संदेश देवत हें। श्री बघेल ह कहिन के गौतम बुद्ध के उपदेश हर हालत अऊ काल म प्रासंगिक हे। उंखर देहे गए शिक्षा हमला संयम ले आगू बढ़े के संदेश देथे।
मुख्यमंत्री ह प्रदेशवासी मन ल बुद्ध पूर्णिमा के दीन शुभकामना
