रायपुर, मुख्यमंत्री श्री भूपेश बघेल ह आज इहां अपन निवास कार्यालय म आयोजित बैठक म वित्तीय वर्ष 2020-21 के बजट के तैयारी मन के संबंध म चर्चा के शुरुआत करिन। कृषि अऊ जल संसाधन मंत्री श्री रविंद्र चौबे के उपस्थिति म आयोजित ये बैठक म श्री चौबे ले सम्बद्ध विभाग मन के नवा बजट ले संबंधित प्रस्ताव मन म विस्तृत विचार विमर्श करे गीस। एमां कृषि अऊ बायोटेक्नोलॉजी, पशुपालन, मत्स्य पालन, संसदीय काम अऊ जलसंसाधन विभाग सामिल हे।
बैठक म मुख्य सचिव श्री आर.पी.मंडल, अपर मुख्य सचिव वित्त श्री अमिताभ जैन, मुख्यमंत्री के प्रमुख सचिव श्री गौरव द्विवेदी, कृषि विभाग के प्रमुख सचिव अऊ कृषि उत्पादन आयुक्त श्रीमती मनिंदर कौर द्विवेदी, सचिव राज्यपाल अऊ संसदीय काम विभाग श्री सोनमणि बोरा, जलसंसाधन विभाग के सचिव श्री अविनाश चम्पावत अऊ सम्बंधित अधिकारी उपस्थित रहिन।
