रायपुर, 3 फरवरी 2020। मुख्यमंत्री श्री भूपेश बघेल के अध्यक्षता म आज इहां ऊंखर निवास कार्यालय म आयोजित बैठक म लोक स्वास्थ्य यांत्रिकी अऊ ग्रामोद्योग मंत्री गुरू रूद्र कुमार ले सम्बद्ध विभाग मन के वित्तीय साल 2020-21 के बजट प्रस्ताव मन उपर परखर गोठ बात करे गीस।
बैठक म पीएचई अऊ ग्रामोद्योग मंत्री गुरू रूद्र कुमार संग अपर मुख्य सचिव वित्त श्री अमिताभ जैन ,मुख्यमंत्री के प्रमुख सचिव श्री गौरव द्विवेदी, प्रमुख सचिव ग्रामोद्योग श्रीमती मनिंदर कौर द्विवेदी, लोक स्वास्थ्य यांत्रिकी विभाग सचिव श्री अविनाश चम्पावत, सचिव ग्रामोद्योग श्री हेमंत पहारे संग संबंधित विभाग मन के अधिकारी उपस्थित रहिन।