दुरूग 08 मई 2021 शनिच्चर। जामुल म 92 बछर के बूढ़ी दादी जब कोविड ल हरोेइन त घर म ओकर स्वागत ढोल बजाके करे गइन। तीजबती के घर म पहिली ओकर बेटा ल कोविड के लक्षण आइस। महतारी ह फिक्कर म खाना-पीना कम कर दिस। जाँच म ओकरो पाजिटिव आ गेे। जामुल म सेवाभावी संस्था श्री राधा कृष्ण संस्कार मंच ह कोविड केयर सेंटर खोला हे उहां दादी के इलाज शुरू होइस। ओकर आक्सीजन लेवल 74 अउ सीटी स्कोर 14 रिहिस। सीटी स्कोर 14 दिखा रहा है। अतेक सियान अउ कोमार्बिड होके तको वोह बीमारी ले बाहिर आ गे।
जिला अस्पताल म 90 बछर के सियनहीन इलाज के बाद बने स्वस्थ– गणपति विहार दुरूग के राधिका बाई तको जिला अस्पताल ले डिस्चार्ज होइस। ओला पाँच दिन अस्पताल म राखे गइस। ओला हल्का इंफेक्शन रिहिस। कोनो किसम के मार्बिडिटी नइ रिहिसे। राधिका बाई के इलाज करइया डाॅक्टर मन बताइन कि बने इम्यूनिटी होए के सेति अउ मेडिसीन प्लान के सेति उन्कर रिकवरी लउहे होेइस । राधिका बाई के परिजन मन बताइन कि जिला अस्पताल म बहुत अच्छा इलाज होइस। हमन बहुते खुश हन अउ एला घर ले जाथन। हमर सरी चिंता दूर हो गे हे।
बूढ़ी दाई स्वस्थ घर लहुटथे त घर म ढोल नगाड़ा बाजथे : 92 बछर अउ 90 बछर के दू झिन सियान माइलोगन मन कोविड ल हरो के स्वस्थ होके लहुटिन घर
