- किसान मन ल 13849 करोड़ रूपिया के होइस भुगतान
- धान खरीदी बर पउर साल के तुलना म ये साल 1 लाख 93 हजार जादा किसान मन के होइस पंजीयन
- धान खरीदी बर राज्य म बारदाना के भरपूर व्यवस्था
रायपुर, 20 जनवरी 2021। छत्तीसगढ़ म 20 जनवरी तक 19 लाख 2 हजार किसान मन ले 81 लाख 5 हजार मेट्रिक टन धान के खरीदी करे गए हे। खरीदे गए धान के बल्दा म किसान मन ल 13 हजार 849 करोड रूपिया के भुगतान ऊंखर खाता म करे गए हे। राज्य म ये साल 1 लाख 93 हजार नवा किसान मन ह अपन पंजीयन कराए हें। गिरदावरी के माध्यम ले करीबन 2 लाख 52 हजार नवा किसान मन के 2 लाख 42 हजार हेक्टेयर नवा रकबा के पंजीयन धान खरीदी बर करे गए रहिस। गिरदावरी के प्रकरण मन म 48 हजार 645 किसान मन के रकबा म सुधार के काम घलोक राज्य म होए हे।
खाद्य विभाग के अधिकारी मन ह बताइन के खरीफ विपणन साल 2020-21 म समर्थन मूल्य म धान विक्रय बर कुल 21.48 लाख किसान मन के पंजीयन करे रहिन, जऊन पउर साल पंजीकृत किसान संख्या 19.55 लाख के तुलना म करीबन 1.93 लाख जादा हे। राज्य म धान विक्रय बर ये साल पंजीकृत कृषक मन के संख्या, अब तक के सबले जादा पंजीकृत संख्या हे। खरीफ विपणन साल 2020-21 म समर्थन मूल्य म धान उपार्जन बर कुल 27.90 लाख हेक्टेयर धान के रकबा के पंजीयन करे गए हे, जऊन पउर साल पंजीकृत रकबा 26.86 लाख हेक्टेयर रकबा के तुलना म करीबन 1.04 लाख हेक्टेयर जादा हे। राज्य म धान विक्रय बर ये साल पंजीकृत रकबा, अब तक के सर्वाधिक पंजीकृत रकबा हे।
