छत्तीसगढ़ म शासकीय नौकरी म भर्ती के सिलसिला तेजी ले शुरू: मुख्यमंत्री श्री भूपेश बघेल

नवा भर्ति ब विज्ञापन अउ चयनित उम्मीदवार मन के नियुक्ति आदेश सरलग करे जाथ हे जारी
अबड़ दिन के अगोरा के बाद नियुक्ति आदेश जारी होए ले उत्साहित जूनियर इंजीनियर अउ डाटा एंट्री ऑपरेटर मन ह मुख्यमंत्री के प्रति जताइस आभार
जल संसाधन विभाग म 352 उप अभियंता अउ ऊर्जा विभाग म 307 जूनियर इंजीनियर के नियुक्ति
रायपुर, मुख्यमंत्री श्री भूपेश बघेल ह कहिस कि राज्य शासन के ए प्रयास हे कि विभिन्न विभाग म रिक्त पद म तेजी ले भर्ति हो। युवा मन ल शासकीय सेवा म काम करे के अवसर मिले। कोर्ट के आदेश के बाद छत्तीसगढ़ म शासकीय नौकरी म भर्ती ले सिलसिला तेजी ले शुरू हो गए हे। विभिन्न विभाग कती ले नवा नवा भर्ती न सरलग विज्ञापन जारी करे जाथ हे।
मुख्यमंत्री आज ईहां अपन निवास कार्यालय परिसर म आयोजित आभार कार्यक्रम ल सम्बोधित करत रहिस हे।अबड़ दिन के अगोरा के बाद नियुक्ति आदेश जारी होए ले उत्साहित जूनियर इंजीनियर अउ डाटा एंट्री ऑपरेटर मन कती ले मुख्यमंत्री के प्रति आभार प्रकट करे ब ए कार्यक्रम ल आयोजित करे रहिस हे। गौरतलब हे कि मुख्यमंत्री श्री भूपेश बघेल के मंशा के अनुसार ऊर्जा विभाग अउ जल संसाधन विभाग कती ले चयनित उप अभियंता के नियुक्ति आदेश तत्काल जारी करे गए हे। ऊर्जा विभाग के डाटा एंट्री ऑपरेटर के डाक्यूमेंट के सत्यापन के कार्य करे जाथ हे। जलदी ही ओमन के नियुक्ति के आदेश घलो विभाग कती ले जारी करे जाही।