शराब दुकान ले चोर मन ह उड़ाइस 1 लाख 67 हजार ले जादा रुपिया, कैमरा म कैद होइस वारदात

बालोद, 12 जनवरी 2021। शराब दुकान ले अज्ञात चोर मन ह 1 लाख 67 हजार ले जादा नगदी चोरी कर लेहे हे। मामला डौंडीलोहारा थाना क्षेत्र के हे। डौंडीलोहारा के एक शराब दुकान म 2 अज्ञात चोर मन ह दुकान के ताला तोड़ के 1 लाख 67 हजार ले जादा नगदी उड़ालिस। उहें चोर मन के तस्वीर सीसीटीवी कैमरा म कैद होगे हे। पुलिस ह बतइन कि घटना मंगलवार के बिहनिया तड़का 3 ले 4 बजे के बीच के हे। सूचना मिलत ही पुलिस अऊ आबकारी विभाग के टीम मउका म पहुंचीन अऊ आगु के कार्यवाही म जुटगे हे।