महासमुंद, 29 मई 2020। मुंबई ले पश्चिम बंगाल जावत श्रमिक मन ले भरे बस शुक्रवार के महासमुंद जिला के तुमगांव थाना क्षेत्र म हादसा के शिकार होगे हे. चलत बस म चालक ल झपकी आये ले अनियंत्रित होके बस सड़क किनारा म पलटगे. ये हादसा म करीब दर्जन भर श्रमिक मन ल चोट आये हे. जानकारी के अनुसार ये हादसा नेशनल हाईवे-53 के छछान पहाड़ी के तिर होय हे. घटना के सूचना के बाद जिला प्रशासन के मदद ले घायल मन ल तुमगांव अस्पताल म इलाज करे गिस. जहां ले प्राथमिक उपचार के बाद उमन ल घर बर रवाना कर दिये गये हे.
मजदूर मन ले भरे बस पलटिस, दर्जन भर मजदूर होइस घायल
