बैंक सखी के सेती गांव वाले मन ल अब घरे म मिलत हे पेंशन अउ मजदूरी

रायपुर, राष्ट्रीय ग्रामीण आजीविका मिशन के तहत स्थापित किये गे पे-प्वाइंट बैंक सखी ले गांव वाले मन ल अब अपन गांव अऊ घर तीरे म सुविधा मिले लगे हे। संचालित बैंक मन के सेवा गांव वाले मन के घर तक पहुंच गए हे। केवल खाता खोले ल छोड़के बाकी जम्‍मो लेन-देन के सबो काम बैंक सखी बड़ सुगमता ले करत हें। बीसी (बिजनेस करेसपान्डेंस) सखी कोति ले केन्द्र अउ राज्य सरकार के कई ठन पेंशन योजना मन उपर जुड़े ग्रामीण क्षेत्र के वरिष्ठ नागरिक सीधा लाभान्वित होवत हें। ए मन ल अपन घर ले दूरिहा बैंक जाय के जरूरत नइ परत हे। कबीरधाम जिला म 92 बीसी सखी अपन सेवा देवत हें जऊन जिला के कई ठन बैंक ले जुड़के गांव वाले मन ल सुविधा देवत हे। जिला के सबो 461 ग्राम पंचायत मन म सुविधा मन के विस्तार हो चुके हे। हर एक 5 ग्राम पंचायत म एक बीसी सखी अपन सेवा देवत हे।