छत्तीसगढ़ के व्यापारिक संगठन के सियान मन ह करिन मुख्यमंत्री ले सौजन्य मुलाकात

रायपुर, मुख्यमंत्री श्री भूपेश बघेल ले काली संझा ऊंखर निवास कार्यालय म छत्तीसगढ व्यापारिक संगठन के प्रतिनिधि मन ह सौजन्य मुलाकात करिन। उमन गुंडरदेही के व्यापारी मन ले मारपीट के घटना म छत्तीसगढ़ सरकार कोति ले उपद्रवी मन उपर जल्दी कार्रवाई करे बर मुख्यमंत्री के आभार व्यक्त करिन। ये बेरा म मुख्यमंत्री ह कहिन कि सामाजिक सौहार्द बिगाड़इया अऊ कानून व्यवस्था ले खिलवाड़ करइया मन उपर सरकार कोति ले सख्त कार्रवाई करे जात रहे हे अऊ आगू घलोक करे जाही।
ये बेरा म छत्तीसगढ़ चेम्बर ऑफ कामर्स एंड इंडस्ट्रीज के प्रदेश अध्यक्ष श्री अमर परवानी, कार्यकारी अध्यक्ष श्री राजेन्द्र जग्गी, सरंक्षक श्री अशुधा रामजी वाघवानी अउ हनुमान प्रसाद अग्रवाल, कार्यकारी अध्यक्ष श्री मनमोहन अग्रवाल, कोषाध्यक्ष श्री उत्तम गोलछा, कैट के छत्तीसगढ़ अघ्यक्ष श्री जितेन्द्र दोषी, महामंत्री श्री सुरेन्द्र सिंह संग प्रतिनिधि मंडल के आन सदस्य मौजूद रहिन।