मुख्यमंत्री ह आज हरेली परब ले राज्य म गौ-मूत्र खरीदी के करिन शुभारंभ
मुख्यमंत्री गौ-मूत्र बेंच के बनिन पहिली बेचइया
छत्तीसगढ़ म जैविक खेती ल बढ़ावा देहे एक अऊ पहल
गौठान मन म जैविक खाद के संगें-संग अब जैविक कीटनाशक के होही उत्पादन
रायपुर, मुख्यमंत्री श्री भूपेश बघेल ह आज मुख्यमंत्री निवास कार्यालय म धूम-धाम ले आयोजित हरेली परब के अवसर म राज्य म गौ-मूत्र के खरीदी के ऐतिहासिक शुरूआत करिन। मुख्यमंत्री ह ये मौका म चंदखुरी के निधि स्व-सहायता समूह ल 5 लीटर गौ-मूत्र 20 रूपिया म बेचके राज्य के पहिली बेचइया बनिन। निधि स्व-सहायता समूह ह गौ-मूत्र विक्रय के ये राशि श्री भूपेश बघेल के आग्रह म मुख्यमंत्री सहायता कोष के खाता म जमा करिन।
छत्तीसगढ़ म जैविक खेती ल बढ़ावा देहे एक अऊ पहल
छत्तीसगढ़ देश के पहिली राज्य ये, जेन पशुपालक गांव वाले मन ले दू रूपिया किलो म गोबर खरीदी के बाद अब 4 रूपिया लीटर म गौ-मूत्र के खरीदी करत हे। मुख्यमंत्री निवास कार्यालय म धूम-धाम ले आयोजित हरेली परब के मौका म मुख्यमंत्री ह कृषि यंत्र मन के पूजा करिन अऊ प्रदेश के खुशहाली के कामना करिन। मुख्यमंत्री ह गौ-माता ल चारा खवाईन अऊ उंखर पूजा करिन। मुख्यमंत्री ह ये मौका म राज्य के जैविक खाद उत्पादक 7442 महिला स्व-सहायता समूह मन ल 17 करोड़ रूपिया के प्रोत्साहन (बोनस) राशि के घलोक वितरण करिन।
मुख्यमंत्री निवास म आयोजित हरेली परब के कार्यक्रम म गृह मंत्री श्री ताम्रध्वज साहू, वन मंत्री श्री मोहम्मद अकबर, उद्योग मंत्री श्री कवासी लखमा, खाद्य मंत्री श्री अमरजीत भगत, स्कूल शिक्षा मंत्री डॉ. प्रेमसाय सिंह टेकाम, महिला अऊ बाल विकास मंत्री श्रीमती अनिला भेंड़िया, संसदीय सचिव श्री चिंतामणि महाराज, श्री चन्द्रदेव राय, गौ सेवा आयोग के अध्यक्ष महंत राजेश्री राम सुंदर दास, राज्य महिला आयोग के अध्यक्ष डॉ. किरणमयी नायक, राज्य खाद्य आपूर्ति निगम के अध्यक्ष श्री रामगोपाल अग्रवाल,छत्तीसगढ़ राज्य खनिज विकास निगम के अध्यक्ष श्री गिरीश देवांगन, मुख्यमंत्री के सलाहकार श्री प्रदीप शर्मा विधायक श्री सतनारायण शर्मा, श्री अनूप नाग, श्री चन्दन कश्यप, श्रीमती अनिता योगेन्द्र शर्मा महापौर श्री एजाज ढेबर, सभापति श्री प्रमोद दुबे, पूर्व सांसद श्रीमती छइंहा वर्मा, कृषि उत्पादन आयुक्त डॉ. कमलप्रीत सिंह संग बड़ी संख्या म नागरिकगण उपस्थित रहिन।
