रायपुर, 03 जून 2024। नई दिल्ली के सेंट्रल टी.बी. डिवीजन के संग राष्ट्रीय क्षय उन्मूलन कार्यक्रम चलाए जात हे, जेखर अंतर्गत टी.बी. के मरीज मन ल उपचार बर दवई देहे जात हे। अभी हाल म छत्तीसगढ़ के सबो 33 जिला मन ल एक ले डेढ़ महिना बर दवई भरपूर मात्रा म आए हे। जिला मन ले आए मांग के मुताबिक दवइ राज्य ड्रग स्टोर ले आपूर्ति करे जात हे। लउहे सेन्ट्रल टी.बी. डिवीजन ले दवई मन के नवा स्टॉक घलोक मिल जाही।
सेन्ट्रल टी.बी. डिवीजन कोति ले राज्य अउ जिला के अधिकारी मन के मदद बर हेल्पडेस्क बनाए गए हे, जेन म जारी हेल्पलाईन नम्बर म कॉल करके दवा ले संबंधित सहायता या पूछताछ करे जा सकत हे। संगेच टी.बी. मरीज या आम नागरिक ल दवा या उपचार ले संबंधित कोनो प्रकार के जानकारी लेना होही त निःशुल्क राज्य हेल्पलाईन नंबर 104 म सम्पर्क करके सहायता लेहे जा सकत हे।
