198 कट्टा धान गायब: कंप्यूटर ऑपरेटर अऊ हमाल ले पूछताछ

सूरजपुर, खाद्य अधिकारी विजय किरन संग जिला विपणन अधिकारी अजय ठाकुर अऊ खाद्य निरीक्षक नीतीश कुमार मन संघरा धान उपार्जन केंद्र उमापुर के जांच करिन। धान खरीदी केंद्र उमापुर के खरीदी प्रभारी गीता प्रसाद रजवाड़े ह गणेश सत्या राइस मिल तेलाईकछार के ट्रक नंबर सीजी 15 एसी 0568 म 512 कट्टा धान लोड कराके 700 कट्टा के पावती पर्ची जारी करे रहिस। वो ह जांच अधिकारी मन के पूछताछ करे म 700 कट्टा धान ट्रक म लोड करके पर्ची जारी करे हंव, बताए गीस। मौके म कंप्यूटर ऑपरेटर चंद्रदत्त दूबे ह घलोक 700 कट्टा लोड करके ट्रक के गेट पास के फोटो लेना बताए गीस जबकि ओ ट्रक म धान लोड करइया हमाल बद्रिका प्रसाद साहू ह बताइस कि ओ ह 512 कट्टा धान लोड करके कम्प्यूटर ऑपरेटर अऊ खरीदी प्रभारी ल सूचना दे रहिस।
जांच करईया साहेब मन ह, मिलर के ट्रक म कम धान लोड करके जादा मात्रा के पावती जारी करना छ.ग. कस्टम मिलिंग चावल उपार्जन आदेश 2016 के संगत कंडिका अऊ धान उपार्जन नीति 2021-22 के प्रावधान के उल्लंघन करना पाइन जेखर परिणाम स्वरूप ट्रक नंबर सीजी 15 एसी 0658 अऊ वोमें लोड धान 512 कट्टा, वजन 204.8 क्विंटल ल जप्त करके पुलिस थाना रामानुजनगर के अभिरक्षा म देहे गए हे।