रायपुर, कबीर नगर कोति हीरापुर जरवाय के जमीन म नगर निगम के बिना अनुमति के अवैध रूप ले प्लाटिंग करइया पति-पत्नी ल रायपुर म गिरफ्तार करे गए हे।
जानकारी के मुताबिक बीरेन्द्र सिंह राजपूत अऊ लक्ष्मी राजपूत ह कबीर नगर कोति के हीरापुर जरवाय के जमीन जेखर खसरा नंबर 86/13 अऊ रकबा 0.089, खसरा नंबर 87/4 अऊ रकबा 0.0286 अऊ खसरा नंबर 87/5 रकबा 0.033, खसरा नंबर 88/3 रकबा 0.129 खसरा 89/5 रकबा 0.037, 90/2 रकबा 0.081 हे। जेकर जमीन मालिक बीरेन्द्र सिंह राजपूत अऊ लक्ष्मी राजपूत हे ते मन बिना अभिन्यास स्वीकृत अऊ कालोनाईजर लायसेंस अऊ नगर निगम रायपुर के बिना अनुमति के प्लाटिंग के काम करत रहिन हे। जेन ह छ.ग. नगर पालिक निगम अधिनियम 1956 के धारा 292ग अऊ 292 च के अधीन दण्डनीय अपराध हे।
ये बात के नगर निगम जोन नंबर 08 रायपुर म उप अभियंता अजीत सिंह राठौर ह थाना कबीर नगर म रिपोट दर्ज करवाए रहिस। जेकर उपर कार्यवाही करत आरोपी मन के विरूद्ध थाना कबीर नगर म अपराध नंबर 109/21 धारा 292 (ग) छ.ग. नगर पालिका निगम अधिनियम 1956 के अपराध पंजीबद्ध करे गीस। वरिष्ठ अधिकारी मन के निर्देशन म थाना कबीर नगर पुलिस के टीम कोति ले आरोपी बीरेन्द्र सिंह राजपूत अऊ लक्ष्मी राजपूत ल गिरफ्तार करके ऊंखर विरूद्ध अग्रिम कार्यवाही करे गीस। गिरफ्तार आरोपी के नाव बीरेन्द्र सिंह राजपूत पिता भरत सिंह राजपूत उमर 47 साल निवासी वार्ड नंबर 03 मठपारा थाना कोतवाली जिला दुर्ग अऊ लक्ष्मी राजपूत पति बीरेन्द्र सिंह राजपूत उमर 40 साल निवासी वार्ड नंबर 03 मठपारा थाना कोतवाली जिला दुर्ग हे।
दुर्ग के पति-पत्नी रायपुर म गिरफ्तार, बिना अनुमति के अवैध प्लाटिंग करे के आरोप
