सीए प्रोफेशनल के रूप म महिला मन के जादा ले जादा सहभागिता होवय : राज्यपाल

रायपुर, राज्यपाल श्रीमती आंनदीबेन पटेल आज इहां बिलासपुर म आयोजित द इंस्टीट्यूट ऑफ चार्टर्ड अकाउंटेंट ऑफ इंडिया, बिलासपुर ब्रांच चार्टर्ड अकाउंटेंट के राष्ट्रीय सम्मेलन म सामिल होइन। ए अवसर म उमन कहिन कि देश के अर्थव्यवस्था म सीए प्रोफेशनल के बहुतेच अहम योगदान रहिथे। सीए के क्षेत्र म जादा ले जादा महिला मन के सहभागिता होना चाही। घर के छोटे ले छोटे बात के ध्यान महिला मन बहुतेच अच्छा रखथें। देश के नवा वित्तमंत्री घलोक महिला हे। उम्मीद हे सीए के क्षेत्र म महिला मन अपन नाम करहीं।

राज्यपाल ह ए बेरा म कहिन कि चाहे कोनो बड़े या छोटे व्यापारिक संस्थान, इहां तक आजकल शासकीय संस्थान मन म घलोक चार्टर्ड अकाउंटेंट के महत्वपूर्ण भूमिका होथे। सीए एक बेहद चुनौतीपूर्ण अउ संभावना ले भरे प्रोफेशन हे। कई प्रकार के वित्तीय गतिविधि मन म चार्टर्ड अकाउंटेंट के महत्वपूर्ण भूमिका होथे। ओ मन संस्था ल महत्वपूर्ण आर्थिक विषय मन म सलाह प्रदान करथें अऊ अभी हाल के परिप्रेक्ष्य म ए मन ल कहूं आर्थिक मार्गदर्शक के उपमा घलोक दे जाय तो वो अतिश्योक्ति नइ होही।
ए अवसर म नेता प्रतिपक्ष श्री धरम लाल कौशिक, बिलासपुर विधायक श्री शैलेष पाण्डेय, तखतपुर विधायक श्रीमती रश्मि सिंह, एसईसीएल के से.एम.डी. श्री ए.पी. पांडा, चार्टर्ड अकाउंटेंट श्री जय छैरा, सेंट्रल काउंसिल मेंबर्स श्री अनुज गोयल, रिजनल काउंसिल चेयरमेन श्री मुकेश बंसल, बिलासपुर शाखा के अध्यक्ष श्री सचेन्द्र जैन, रायपुर शाखा के अध्यक्ष श्री से.पी. भाटिया अउर एखर राष्ट्रीय सम्मेलन म छत्तीसगढ़ अउर देश के कई ठन भागों ले उपस्थित चार्टर्ड अकाउंटेंट उपस्थित रहिन।