मंत्रिपरिषद के बैठक

रायपुर, दिनांक : 09 फरवरी 2024। मुख्यमंत्री श्री विष्णु देव साय के अध्यक्षता म आज विधानसभा परिसर स्थित मुख्य समिति कक्ष म मंत्रिपरिषद के बैठक आयोजित होइस। बैठक म छत्तीसगढ़ के ऐतिहासिक अऊ सांस्कृतिक महत्व के शहर राजिम के वैभव ल फेर से स्थापित करे बर राजिम कुंभ (कल्प) के के शुरूआत करे के निर्णय ले गीस। मंत्रिपरिषद के बैठक म राजिम माघी पुन्नी मेला के जगा म राजिम कुंभ (कल्प) मेला आयोजित करे के फैसला ले गीस। एखर बर छत्तीसगढ़ राजिम माघी पुन्नी मेला अधिनियम 2006 ल संशोधित करे बर ‘‘छत्तीसगढ़ राजिम माघी पुन्नी मेला‘‘ (संशोधन विधेयक 2024) के प्रारूप के अनुमोदन करे गीस। राजिम कुंभ (कल्प) फेर शुरूआत होए ले राजिम मेला के राष्ट्रीय अउ अंतर्राष्ट्रीय स्तर म पहिचान बाढ़ही। संगेच छत्तीसगढ़ म सांस्कृतिक अउ धार्मिक पर्यटन ल बढ़ावा मिलही। एकर संगेच प्रदेश म जल प्रदूषण के निवारण अउ नियंत्रण अऊ जल के शुद्धता बनाए रखे बर भारत सरकार के जल (प्रदूषण के निवारण अउ नियंत्रण) संशोधन विधेयक 2023 के संबंध म विधानसभा म रेजोल्यूशन लाय के निर्णय ले गीस।