कैबिनेट बैठक 19 अगस्‍त 2025

मुख्यमंत्री श्री विष्णु देव साय के अध्यक्षता म आज मंत्रालय महानदी भवन म आयोजित कैबिनेट के बैठक म लेहे गए महत्वपूर्ण निर्णय –
1) मंत्रिपरिषद ह निर्णय लेहे हे के राज्य के अनुसूचित क्षेत्र अऊ माडा पॉकेट क्षेत्र म रहइया अंत्योदय अऊ प्राथमिकता श्रेणी के परिवार मन ल सार्वजनिक वितरण प्रणाली के अंतर्गत हर महिना जेन दू किलो चना बांटे जाथे तेला नागरिक आपूर्ति निगम से eML ई-ऑक्शन प्लेटफार्म के माध्यम ले बिसाए जाही। ये खरीदी वित्तीय साल 2024-25 म स्वीकृत 0.25 प्रतिशत या एखर से कम ट्रांजैक्शन/सर्विस चार्ज म करे जाही।
एखर संगेच जुलाई 2025 ले नवंबर 2025 तक जेन हितग्राही मन ह चना नइ लेहे हें, ओ मन ल पात्रतानुसार ये चना दिसंबर 2025 तक दे जाय।
2) मंत्रिपरिषद ह नवा रायपुर म सूचना प्रौद्योगिकी (IT/IITS) उद्योग के स्थापना ल प्रोत्साहित करे बर 90 एकड़ भूखंड ल रियायती प्रीमियम दर म आबंटित करे के निर्णय लेहे हे। ए फैसला के उद्देश्य आईटी क्षेत्र म निवेश ल लोभाना अऊ औद्योगिक विकास ल गति देना हे। रियायती दर म जमीन उपलब्ध होए ले निजी क्षेत्र के भागीदारी बाढ़ही अऊ रोजगार के नवा अवसर घलोक सृजित होही।
ए पहल ले नवा रायपुर म तकनीकी अऊ आर्थिक गतिविधि मन ल बढ़ावा मिलही, संगेच इहां के बसाहट अऊ शहरीकरण के प्रक्रिया ल घलोक बल मिलही। आईटी कंपनी मन के स्थापना ले क्षेत्र म आधारभूत संरचना मन विकसित होही, जेखर से स्थानीय निवासी मन ल घलोक प्रत्यक्ष अउ अप्रत्यक्ष लाभ मिलही।