रायपुर, मुख्यमंत्री श्री भूपेश बघेल के अध्यक्षता म आज ऊंखर निवास कार्यालय म मंत्रिपरिषद के बैठक होईस तेमा जनता के हित म कई ठन निरनय लेहे गीस। मंत्रिपरिषद कोति ले निर्णय लेहे गीस कि अकटूबर, नवंबर अऊ दिसंबर 2022 म प्रधानमंत्री गरीब कल्याण अन्न योजना के पात्रता के समकक्ष राज्य योजना के राशनकार्ड (सामान्य राशनकार्ड ल छोड़के) म अकतहा खाद्यान्न प्रदाय करे जाही ।
अइसनहे अकटूबर महिना के नियमित मासिक खाद्यान्न निरधारित उपभोक्ता दर म अऊ नवम्बर अऊ दिसम्बर 2022 म राज्य योजना के राशनकारड (सामान्य राशनकार्ड ल छोड़के) म मासिक पात्रता के चावल निःशुल्क वितरण करे के महत्वपूर्ण निर्णय लेहे गीस।
संगें संग धान उपार्जित क्षेत्र म धान के बदला आन फसल लेहे म प्रति एकड़ 10 हजार रूपिया आदान सहायता राशि उही खरीफ सीजन बर लागू करे के अनुमति देहे गीस।
धान उपार्जित क्षेत्र म वृक्षारोपण करे म प्रति एकड़ 10 हजार रूपिया तीन साल तक आदान सहायता राशि प्रदान करे के प्रावधान हे। आदान राशि प्रदाय के तीन साल के समयावधि समाप्ति के बाद उही रकबा/खसरा म पंजीयन के पात्रता अवईया तीन साल बर नइ होवय ये बात निर्णय ले गीस।
मंत्रिपरिषद के बैठक म जनता के हित म निरनय
