- मंत्री श्री अकबर ह आज फेर 90 मनखे मन ल साढे चार लाख रूपिया के चेक बांटे हें
- मंत्री श्री मोहम्मद अकबर कोरोना के संकट के दौर म कवर्धा विधानसभा क्षेत्र के सेलून, छोबी, जुता-चप्पल, फल, सब्जी, विक्रेता मन अऊ जरूरतंद मनखे मन ल पहुंचावत हें सीधा मदद
कवर्धा, 25 सितंबर 2020। छत्तीसगढ़ के केबिनेट मंत्री श्री मोहम्मद अकबर ह कोविड-19 कोरोना वायरस के संक्रमण के नियंत्रण अऊ रोकथाम बर जारी लॉकडाउन ले प्रभावित नागरिक मन अऊ फुटकर व्यापारी मन ल सीधा आर्थिक रूप ले मदद पहुंचावत हें। वैश्विक महामारी-राष्ट्रीय आपदा के ये दौर म उमन अपन निर्वाचन क्षेत्र कबीरधाम जिला के कवर्धा विधान सभा क्षेत्र के प्रभावित छोटे-छोटे फूटकर व्यापरी मन अऊ जरूरतं मंद आम नागरिक मन ले सीधा संपर्क रखे हें, अऊ उन सबो मनखे मन ल आर्थिक रूप ले मदद पहुंचाए के उदीम करत हें।
छत्तीसगढ़ के वन, परिवहन, घर अऊ पर्यावरण मंत्री श्री अकबर अपन स्वेच्छा अनुदान मद ले अब तक अपन निर्वाचन क्षेत्र के 634 आम नागरिक मन अउ फुटकर व्यापारी मन ल 31 लाख 70 हजार रूपिया आर्थिक मदद पहुंचाए हें।मंत्री श्री अकबर ह अपन निर्वाचन क्षेत्र म आज सुकरवार ले फेर 90 जरूरतंद मनखे मन ल 4 लाख 50 हजार रूपिया के चेक बांटिन। उमन जिला के पिपरिया नगर पंचायत क्षेत्र के प्रभावित 84 फूटकर व्यापारी अऊ प्रभावित नागरिक मन ल 4 लाख 20 हजार रूपिया अऊ बोडला नगर पंचायत म 6 प्रभावित जरूरतमंद लोगन मन ल 30 हजार रूपिया के चेक बांट के आर्थिक रूप ले मदद करे हें। उमन ए सबो प्रभावित मनखे ल पांच-पांच हजार रूपिया के चेक आर्थिक मदद बर बांटिन। पिपरिया नगर पंचायत म आयोजित एक कार्यक्रम म मंत्री श्री अकबर ह तीन नवा एल्डर मेन के पदभार ग्रहण घलोक कराइन। बोडला अऊ पिपरिय म आयोजित कार्यक्रम पिपरिया नगर पंचायत अध्यक्ष श्री महेन्द्र कुंभकार, बोडला नगर पंचायत अध्यक्ष श्रीमती सावित्री साहू, श्री नीलकंठ चन्द्रवंशी, श्री कन्हैया अग्रवाल, पार्षद समशाद बेगम, श्रीमती संतोषी साहू, श्रीमती पर्यटनधुर्वे, श्री ओमप्रकाश शर्मा, श्री भरत गुप्ता, श्री हरिप्रसाद बंजारे अऊ संबंधित अनुविभागीय अधिकारी श्री विपुल गुप्ता, श्री विनय सोनी अऊ आन संबंधित अधिकारी विशेष रूप ले उपस्थित रहिन। मंत्री श्री अकबर नगर पंचायत पिपरिया अऊ बोडला म आयोजित कार्यक्रम के बाद वनांचल ग्राम बरघांट, बम्हनतरा अऊ छुही म आयोजित स्थानीय कार्यक्रम म सामिल होइन अऊ उहां क्षेत्रिय गांव वाले मन ले भेंट मुलाकात करके समस्या मन ल घलव सुनिन।
