भारत सरकार के केबिनेट सचिव ह मुख्य सचिव मन ले जन स्वास्थ्य उपर वीडियों कॉन्फ्रेंसिंग के संग करिन समीक्षा

रायपुर, 26 अप्रैल 2020। भारत सरकार के केबिनेट सचिव श्री राजीव गौबा ह आज वीडियों कॉन्फ्रेंसिंग के संग कोरोना वायरस (कोविड-19) ले बचाव अऊ जन स्वास्थ्य ल लेके देश के सबो राज्य मन के मुख्य सचिव मन ले विस्तार ले चर्चा करिन। केबिनेट सचिव ह कहिन के कोविड-19 के संक्रमण के रोकथाम, नियंत्रण अऊ एखर से बचाव के हर संभव उपाय करव। उमन कहिन के हमला मनखे मन के स्वास्थ्य बर सबो जरूरी व्यवस्था ठउका करना हे। कोविड-19 के तहत लॉकडाउन के बेरा म कई ठन राज्य म राष्ट्रीय टीकाकरण अऊ स्वास्थ्य कार्यक्रम मन के जानकारी राज्य के स्वास्थ्य सचिव मन ले वीडियों कॉन्फ्रेंसिंग के संग लीन। छत्तीसगढ़ रायपुर ले वीडियों कॉन्फ्रेंसिंग म डीजीपी श्री डी.एम. अवस्थी, श्रीमती निहारिका बारिक अऊ खाद्य अउ परिवहन सचिव डॉ. कमलप्रीत सिंह सामिल होइन। प्रदेश के स्वास्थ्य सचिव श्रीमती बारिक सिंह ह जानकारी देवत बताइन के राज्य म कोरोना के 37 पाजीटिव प्रकरण रहिस, जेमां ले 5 केश एक्टिव हे अऊ ओखर इलाज चलत हे बांचे मरीज स्वस्थ हो गे हे। उमन बताइन के छत्तीसगढ़ राज्य म कोरोना वायरस के संक्रमण के रोकथाम अऊ नियंत्रण बर सबो जरूरी कार्यवाही करे जात हे। उमन बताइन के राज्य म स्थिति नियंत्रित अउ संतोषप्रद हे।