किसान पंजीयन अऊ राशि के ले सकहीं जानकारी
रायपुर, 12 फरवरी 2020। प्रधानमंत्री किसान सम्मान निधि योजना के तहत किसान मन ल ऊंखर आवेदन के पंजीयन अऊ मिलइया पइसा के संबंध म जानकारी देहे बर कॉल सेन्टर शुरू करे गए हे। लाभार्थी किसान मन अपन पंजीकृत 10 अंक के मोबाईल नंबर या 12 अंक के आधार नंबर ले टोल फ्री नंबर 1800-11-5526 अऊ 155261 म फोन करके ये जानकारी प्राप्त कर सकत हें। भारत सरकार कोति ले प्रधानमंत्री किसान सम्मान निधि योजना के तहत (आई.वी.आर.एस.) सूचना के आदान-प्रदान बर कॉल सेन्टर के सुविधा शुरू करे गए हे। कॉल सेन्टर शुरू होए के संबंध म किसान मन ल जानकारी उपलब्ध कराए के संबंध म संचालक भू-अभिलेख छत्तीसगढ़ नवा रायपुर कोति ले प्रदेश के सबो कलेक्टर मन ल चिट्ठी भेजे गए हे।