जसपुर, मुख्यमंत्री कार्यालय बगिया जन-आशा के केन्द्र बनत हे। कैंप कार्यालय बगिया ले मनखे मन ल नवा जीवन मिलत हे। विष्णु के सुशासन म छत्तीसगढ़ शासन के उदीम ले हर मुश्किल आसान होवत हे। अइसनहे एक कहानी हे रामकुमार के, जेन सड़क दुर्घटना म गंभीर रूप ले घायल हो गे रहिस।
रामकुमार ह बताइस के ओखर बहुतेच भयानक दुर्घटना होए रहिस। दुर्घटना के बाद ले ही रामकुमार बेहोश रहिस। वोखर पत्नी श्रीमती अंजली बाई ह बताइस के मोर पति के एक्सीडेंड हो गए रहिस। मुख्यमंत्री कार्यालय बगिया ले जल्दी सहायता मिलीस अऊ वोखर पति ल डी.के.एस. रायपुर हॉस्पिटल लेके गेन। जिहॉ वोखर पति के बेहतर ईलाज होइस। अब स्वस्थ्य अऊ खुशहाल जीवन जीयत हे। रामकुमार अऊ ओखर पत्नी श्रीमती अंजली ह नवा जिन्दगी देहे बर मुख्यमंत्री ल धन्यवाद देहे हे।