नरवा विकास योजना: भू-जल संरक्षण के बड़े तादाद म होवत हे काम

रायपुर, 31 मार्च 2021। राज्य शासन के महत्वाकांक्षी ’नरवा विकास योजना’ के तहत प्रदेश के वन क्षेत्र मन म स्थित नाला मन म कैम्पा मद के वार्षिक कार्ययोजना 2019-20 के तहत 12 लाख 9 हजार 485 संरचना मन के निर्माण जारी हे। एमां ले अब तक करीबन 11 लाख संरचना मन के निर्माण पूरा हो गए हे। इंकर निर्माण 155 करोड़ रूपिया के राशि ले करे जात हे।वन अउ जलवायु बदलाव मंत्री श्री मोहम्मद अकबर के बताती राज्य म एखर तहत 155 करोड़ रूपिया के राशि ले 01 हजार 766 किलोमीटर लंबाई के कई ठन नाला मन म भू-जल संरक्षण के काम करे जात हे। ए संरचना मन के पूरा होए म 4 लाख 65 हजार 172 हेक्टेयर जमीन उपचारित होही। ये मां वन क्षेत्र मन के नाला मन म भू-जल संरक्षण काम बर लूज बोल्डर चेकडेम, बोल्डर चेकडेम, ब्रशवुड चेकडेम, कंटूर ट्रेंच, परकोलेशन टैंक, अर्दन डेम, चेकडेम, एनीकट, स्टापडेम अऊ गेबियन आदि संरचना मन के काफी तादाद म निर्माण करे जात हे। एखर से एक कोति वन जमीन के क्षरण ल रोके जा सकही, उहें दुसर कोति जल भंडार म बढ़ोतरी करे जा सकही। वन क्षेत्र मन म जल भंडार होए ले जंगली जीव मन ल ऊंखर रहवास क्षेत्र म ही चारा-पानी मिल पाही, जेखर से ओ मन आबादी क्षेत्र कोति नइ आहीं। एखर संगेच जंगल के तीर तखार के गांव वाले मन अऊ किसान मन ल पेयजल अऊ सिंचाई के साधन विकसित करे म मदद मिलही।