रायपुर, 16 अगस्त 2020। राजधानी पुलिस ह प्रतिबंधित नशीली कफ सीरप के अवैध परिवहन करत हुए तीन युवक मन ल दबोचे हे। मुखबिर के सूचना के बाद पुलिस ह पंचपेड़ी नाका के पास ले तीनों ल कार सहित गिरफ्तार करे हे। जब्त नशीली कफ सीरप के कीमत लगभग 5 लाख रुपिया बताये जावत हे।
जानकारी के अनुसार आरोपी एक राज्य ले दूसरा राज्य प्रतिबंधित नशीली कफ सीरप के अवैध व्यापार करत रिहिस उहें राजधानी पुलिस ल एखर खबर मिले रिहिस। जेखर बाद तीन युवक योगश देवांगन, विष्णु सोनी अउ अजय चौहान ल धर दबोचिस। आरोपी रायपुर, दुर्ग अउ धमधा के रहने वाला बताए जावत हे।
कोतवाली पुलिस के अनुसार तीनों आरोपी लंबा बेरा ले ये धंधा करे म लगे हे। उहें अभी शुरुआती पूछताछ म मास्टर माइड के बारे म पता चले हे। जल्द ही आरोपी के गिरफ्तारी करे जाही। उहें पुलिस ह आशंका जताये हे कि मामला म अउ बड़का खुलासा हो सकत हे।
