दुर्ग, 31 मई 2020। जिला के पुलगांव थाना क्षेत्र अंतर्गत कोटनी-महमरा एनीकट म शनिवार के एक कार अनियंत्रित होके गिरगे. जेखर ले कार म सवार एक महिला नर्स के मउत होगे हे. जबकि बेटा बचगे. वही कार ल निकाले बर गये क्रेन घलो पलटगे. जानकारी के अनुसार मृतक महिला के पहिचान नगपुरा अस्पताल म पदस्थ महिला नर्स रामबती 52 वर्ष के रूप म होय हे. जब ये हादसा होइस त बेटा कार के दरवाजा खोल के बाहर निकलिस अउ शोर मचाये लगिस चीखे-चिल्लाये के आवाज सुन के दू ग्रामीण ओमकेश निषाद अउ राजू यादव पहुंचगे. दुनो ह नदी म छलांग लगाइस अउ कार ले बेहोशी के हालत म महिला नर्स ल बाहर निकालिस, लेकिन रस्ता म महिला के मउत होगे.
कार अनियंत्रित होके एनीकट म गिरीस, एक महिला के मउत
