सावधान! नाइजीरियन गैंग के निशाना म छत्तीसगढ़

रायपुर, 17 नवम्बर 2020। ऑनलाइन ठगी के मामला हो या फेर नशा के कारोबार सबो तरह ले छत्तीसगढ़ नाइजीरियन गैंग के निशाना म हे। एक के बाद एक हुए खुलासा ले शहरवासी मन ल अब अलर्ट रहे के जरूरत हे। राजधानी रायपुर हो या दुर्ग-बिलासपुर सबो बड़का शहर नाइजीरियन गैंग के निशाना म हे। हाल के कुछ महीना म आगु आए साइबर क्राइम के मामला म नाइजीरियन गैंग के सीधा कनेक्शन के खुलासा पुलिस ह करिन हे। स्थानीय युवक घलो अब नाइजीरियन गैंग ले संपर्क करके अपराध ल बढ़ावा देवत हे। नाइजीरियन गिरोह ह देश के उत्तर प्रदेश, दिल्ली, झारखंड, राजस्थान, मध्य प्रदेश, छत्तीसगढ़ के लोगन के संग ऑनलाइन ठगी के वारदात ल अंजाम देहे हे। रायपुर म इडुकी अऊ किस्ट्रोफार ह फेसबुक के जरिया ले 7.5 लाख रुपिया के ठगी करे हे। शिकायत के बाद अब पुलिस ह दिल्ली ले दुनों आरोपी ल गिरफ्तार करे हे। रायपुर पुलिस के कहना हे कि ऑनलाइन ठगी बर पूरा गैंग चलत हे। रायपुर स्पेशल पुलिस सोमवार के आरोपी ल दिल्ली ले गिरफ्तार कर राजधानी पहुंचीस। पुलिस ह मामला म बड़का खुलासा करही।