नारायणपुर : गाजरघास उन्मुलन जागरूकता कार्यक्रम के आयोजन

नारायणपुर, 20 अगस्त 2024। कृषि विज्ञान केन्द्र केरलापाल, नारायणपुर कोति ले गाजरघास उन्मुलन जागरूकता कार्यक्रम के आयोजन नारायणपुर के कई ठन गांव मन म करे जात हे, ए कार्यक्रम के मुख्य उद्देश्य हे के आम जनता अउ किसान मन ल गाजरघास के हानी कारक प्रभाव अउ ओखर नियत्रण के बारे म जागरूक करना, कृषि विज्ञान केन्द्र के अधिकारी मन ह बताइन के गाजर घास जेन ल आमतौर म कांग्रेस घास, चटक चांदनी के नाम ले घलोक जाने जाथे। ये एक विदेशी घास ये, ये विदेशी खरपतवार अधिकतर रोड के पाई म, घर के बारी म बंजर जमीन संग कई जगा मन म उपजे रहिथे, जेन मनुष्य के स्वास्थय बर हानिकारक हे। ये त्वचा अउ श्वसन तत्र ल जबरदस्त हानी पहुंचाथे। ए घास के एलर्जी अतका हानी कारक होथे के मनुष्य घातक रूप ले अस्थमा ले ग्रस्त हो सकत हे। गाजर घास मनुष्य के संगें-संग पशु मन बर घलोक हानी कारक हे। एला नष्ट करे के उपाय ये हे के ए खरपतवार ल फूले ले पहिलीच उखाड़ के जला देना चाही ताकि एखर बीज न बन पाए अउ झन फैल पाए। जैविक उपाय मे खरपतवार ल छोटे अवस्था म 15 प्रतिशत नमक के घोल बना के छिड़काव करना अउ जादा मात्रा म फैल जाय म खाली खेत मन म मेढ़ म ग्लाइफोसेट 41 फिसदी दवा के छिड़काव करे ले एकर नियत्रंण करे जा सकत हे। ए कार्यक्रम म कृषि विज्ञान केन्द्र के अधिकारी अउ कर्मचारी के संग किसान भाग ले वत हें।