Category: श्रद्धांजली

रइपुर, 18 अगस्त 2021 बुधवार। मुख्यमंत्री दाउ भूपेश बघेल ह स्वतंत्रता संग्राम के महानायक नेताजी सुभाषचंद्र बोस के पुण्यतिथि 18 अगस्त के बेरा म उन ल नमन करत श्रद्धासुमन अर्पित करीन अउ कहीन कि नेताजी स्वाधीनता संग्राम के अगुवा अउ प्रमुख नेता मन म हे, जउन मन आजादी के लड़ई ल नवा दिशा दीन। अंग्रेज मन के खिलाफ लड़ई बर उन मन ‘‘तुम मुझे खून दो मैं तुम्हे आजादी दूंगा‘‘ जइसन फौलादी नारा मन ले लोगन के आव्हान करत उन ल जगाइन। मुख्यमंत्री ह कहीन कि आजाद हिंद फौज के…

रइपुर 26 जुलाई 2021 सम्मार। मुख्यमंत्री दाउ भूपेश बघेल ह कारगिल विजय दिवस 26 जुलाई के भारतीय जवान मन के शौर्यता ल नमन करत कारगिल युद्ध के शहीद जवान मन ल श्रद्धांजलि अर्पित करीन हे। दाउ बघेल ह कहीन कि कारगिल युद्ध म देश के वीर सपूत मन अपन अदम्य साहस अउ हौसला ले विपरीत परिस्थित म तको विजय हासिल करके अपन क्षमता के लोहा मनवाइन। देश के इन सपूत मन के साहस ह 26 जुलाई 1999 के कारगिल म विजय दिलाईन। येह पूरा देश बर गौरवशाली दिन हरे।

रइपुर, 19 जून 2021 शनिच्चर। मुख्यमंत्री दाउ भूपेश बघेल ह भारत के महान धावक ‘फ्लाइंग सिख’ श्री मिल्खा सिंह के निधन म गहिरी दुख व्यक्त करीन हे। मुख्यमंत्री ह अपन संदेश म कहीन कि श्री मिल्खा सिंह देश के हजारों खिलाड़ी मन बर हमेशा प्रेरणा के स्रोत बने रहिहीं। उन्कर निधन ले खेल जगत ल अपूरणीय क्षति होय हे। श्री बघेल ह उन्कर परिवारजन के प्रति संवेदना प्रकट करत दिवंगत आत्मा के शांति बर ईश्वर ले प्रार्थना करीन।