Category: Bhent-Mulakat Abhiyan

राजीव गांधी किसान न्याय योजना की हितग्राही दाढ़ी के अनिता साहू ह मुख्यमंत्री ल बताइस कि योजना ले जउन पईसा मिलिस, वोकर से लईका मन ल पढ़ावत हंव

ग्राम दाढ़ी के रहवईया नीलम साहू ह बताइस के हमार परिवार म 4 सदस्य हे, 40 किलो चांवल, दू किलो नमक निःशुल्क मिलथे। शक्कर के बस 17 रुपिया देना परथे

भेंट-मुलाकात कार्यक्रम म मुख्यमंत्री श्री भूपेश बघेल पहुंचिन नवागढ़ विधानसभा के गांव दाढ़ी

देवरबीजा कॉलेज के नाम शंकराचार्य के नाम ले होही-मुख्यमंत्री

बेमेतरा, भेंट-मुलाकात कार्यक्रम बेमेतरा विधानसभा, ग्राम देवरबीजा म रामखिलावन वैष्णव, ग्राम-चिखली निवासी ह बताइस कि ओ ल राजीव गांधी ग्रामीण भूमिहीन श्रमिक न्याय योजना के लाभ मिले हे। अब तक तीन किश्त मिल गे हे, बहुत मदद होवत हे।

बेमेतरा, भेंट-मुलाकात कार्यक्रम बेमेतरा विधानसभा, ग्राम देवरबीजा म भारती वर्मा ह बताइस कि मै ह गोबर बेच के फैंसी स्टोर खोले हंव। संगेच मिनी राइस मिल घलोक खोले हंव, जेखर से आमदनी बने होवत हे। मुख्यमंत्री ह सहराइन अऊ कहिन कि अतका अकन काम कइसे कर लेथस।

बेमेतरा, भेंट-मुलाकात कार्यक्रम बेमेतरा विधानसभा, ग्राम देवरबीजा म पहुचे सांकरा के श्रीमती भुनेश्वरी ह बताइस कि वर्मी खाद बनावत हे। 5 लाख 38 हजार के वर्मी अभीन तक बेच डरे हे। समूह के सबो सदस्य मन के बनेच आमदनी होवत हे। भुनेश्वरी ह बताइस कि सेकेंडहैंड कार लेहे हे, जेमां आधा पइसा मैं ह अऊ आधा मोर पति ह लगाए हे। मुख्यमंत्री ह वोला असीस देवत कहिन कि अब दुनों ही साझेदारी ले परिवार के खुशि जुटावत हव।

बेमेतरा, भेंट-मुलाकात कार्यक्रम बेमेतरा विधानसभा, ग्राम-कठिया (रांका) म राजीव युवा मितान क्लब के रूपलाल ह मुख्यमंत्री ले बताइस के वोखर क्लब म 28 सदस्य हे। ओ मन सबो सामाजिक अउ सांस्कृतिक कार्यक्रम म भाग लेवत हें।

बेमेतरा, भेंट-मुलाकात कार्यक्रम बेमेतरा विधानसभा, ग्राम-कठिया (रांका) म हाट बाजार क्लीनिक योजना के लाभार्थी दीनदयाल साहू ह बताइस कि योजना ले मुफ्त म ओखर अच्छा इलाज होए हे। मुख्यमंत्री ह बताइस कि राज्य सरकार के डॉ.खूबचंद बघेल स्वास्थ्य सहायता योजना हे। ये योजना के तहत 5 लाख रुपिया तक इलाज करा सकत हे।