महासमुन्द, 7 अगस्त 2020। बुंदेली चौकी पुलिस ह मोटर साइकिल म गांजा तस्करी करने वाला दू आरोपी मन ल गिरफ्तार कर ले हे। एमा 10 किलो गांजा आरोपी मन ले बरामद करे गे हे। एखर कीमत एक लाख रूपिया बताये जावत हे। बुंदेली चौकी प्रभारी विकास शर्मा ह जानकारी देवत हुए बताइस कि मुखबिर ले सूचना मिलिस कि बुंदेली क्षेत्र म कुछ गांजा तस्कर मन के द्वारा गांजा के अवैध परिवहन करने वाला हे। सूचना म चौकी प्रभारी ह सादा वर्दी म पुलिस गांजा परिवहन करने वाला रस्ता म आरोपी…
बलरामपुर, 6 अगस्त 2020। बलरामपुर जिला के चांदो वन परिक्षेत्र के ग्राम पुटसूरा म नीलगाय के शिकार करे के मामला आगु आये हे. ये मामला म 25 आरोपी मन ल गिरफ्तार करे गे हे, जोन म ले 4 शिकार करने वाला मन के संग मांस बंटवारा म शामिल 21 आरोपी घलो शामिल हे. आरोपी मन ले शिकार म उपयोग करे गे हथियार ल जब्त करे गे हे. अउ तलाश म आरोपी के पास ले नील गाय के पूंछ, हड्डी, कुल्हाड़ी, बारूद ,छर्रा, पोटास, पसूल अउ 4 नग भरमार बंदूक घलो जब्त…
रायपुर, 05 अगस्त 2020। राजधानी रायपुर म आज एक लावारिस बोलेरो म 110 किलो गांजा बरामद होय हे. उहें बोलेरो संचालक मउका ले भाग गे हे. पुलिस ह गांजा सहित बोलेरो ल जब्त कर ले हे. पुलिस अज्ञात बोलेरो मालिक के खोज म जुटगे हे. जब्त गांजा के कीमत 7 लाख रुपिया के आसपास बताये जावत हे. पूरा मामला आजाद चौक थाना क्षेत्र के हे.
महासमुंद, 04 अगस्त 2020। महासमुंद पुलिस ह जिला म अब तक के सबले बड़का कार्रवाई ल अंजाम देवत हुए सब्जी परिवहन के नाम म गाड़ी ले करे जावत गांजा तस्करी के भंडाफोड़ करे हे. पुलिस ह दू आरोपी मन ले करीब 90 लाख ले जादा कीमत के 9 क्विंटल ले जादा गांजा जब्त करे हे. महासमुंद पुलिस ल बुधवार के मुखबिर ले सूचना मिलिस कि ओडिशा के सीमावर्ती जिला सम्बलपुर, बरगढ़ के डाहर ले सिंघोडा-सरायपाली के रास्ता गांजा के परिवहन करे जावत हे . जेखर उपर थाना सिंघोडा के टीम…
राजिम, 01 अगस्त 2020। राजिम के आमापारा इलाका म 2 अज्ञात बदमाश मन ह 10 लाख के लूट ल अंजाम दिस हे। लूट म सोना-चांदी अउ नगदी शामिल हे। बताये जावत हे कि बच्चा के गला म चाकू टिका के ये घटना ल अंजाम दे गे हे। सूचना मिलत ही पुलिस ह घटनास्थल के जायजा लिस। एखर बाद आरोपी मन के धरपकड़ के कोशिश शुरू कर दे गे हे। सबो चौक-चौराहा म पुलिस कड़ाई ले चेकिंग शुरू कर दे हे।
बालौदाबाजार, 1 अगस्त 2020। जिला के गिधौरी थाना इलाका म पुलिस ल आवत देख गांजा तस्कर स्कॉर्पियो कार ल छोड़ के फरार होगे. कार के तलाशी ले गिस, त पुलिस ह 50 किलो 380 ग्राम गांजा जब्त करे हे. जेखर कीमत 2 लाख 51 हजार 900 रुपिया आंके गे हे. जानकारी के अनुसार पुलिस ल मुखबिर ले सूचना मिले रिहिस कि स्कॉर्पियो म गांजा तस्करी करे जावत हे. जेखर बाद ग्राम गिधौरी बस स्टैंड के करीब घटमडवा नाला के तिर घेराबंदी करके बिना नंबर प्लेट स्कॉर्पियो आत दिखिस, जोन ल रोके म…
रायपुर, 30 जुलाई 2020। प्रदेश के राजधानी रायपुर म एक पुलिस आरक्षक के घर चोरी के मामला आगु आये हे। बताये जावत हे कि करीब 1 लाख रुपिया नगद अउ ज्वेलरी घलो शामिल हे। जानकारी के अनुसार धमतरी जिला के कुरुद थाना म पदस्थ आरक्षक जयप्रकाश प्रधान ह एखर शिकायत पुरानी बस्ती थाना म करे हे। आरक्षक ह थाना म जानकारी दे हे कि वो अपन 2 भाई विजय प्रकाश प्रधान अउ रूपानंद प्रधान के संग प्रोफेसर कॉलोनी सेक्टर-2 म रथे। 22 जुलाई के उंखर पूरा परिवार सराईपाली कुछ काम…
बलौदाबाजार, 30 जुलाई 2020। जिला के पलारी थाना क्षेत्र म दू नाबालिग बहनी के संग सामूहिक दुष्कर्म के घटना आगु आये हे। घटना डेढ़ महीना पहली के हे। पलारी थाना के केसला गांव के घटना बताये जावत हे। मिले जानकारी के अनुसार पुलिस ह मामला म 10 आरोपी मन के गिरफ्तारी कर ले हे। डेढ़ महीना पहली दुनो सगे बहनी अपन संगवारी ले मिल के वापस घर लहुटत रिहिस। तभे रस्ता म 11 आरोपी मन ह रोक के उंखर संग सामूहिक दुष्कर्म करिन अउ उंखर वीडियो बना लिस। एखर बाद…
महासमुंद, 28 जुलाई 2020। कोरोना काल के संकट के बीच नकली नोट खपाय ल निकले पांच आरोपी मन ल पुलिस ह गिरफ्तार कर ले हे। आरोपी मन के तिर ले 21 लाख रूपिया के नकली नोट ल जब्त करे गे हे। एखर खुलासा महासमुंद एसपी प्रफुल्ल ठाकुर ह करे हे। पुलिस ले मिले जानकारी के अनुसार रायपुर के एक बड़का व्यापारी ह आरोपी मन ले संपर्क कर 15 लाख के मांग करे रिहिस, जोन ल आरोपी मन ह डिलीवर करे बर रवाना होय रिहिस। एखर पहली ही मुखबिर के सूचना…