बिलासपुर, 21 मई 2020। लॉकडाउन के बीच सैक्स रैकेट के भंडाफोड़ होय हे. बिलासपुर म महिला समेत 6 आरोपी मन ल पुलिस ह गिरफ्तार करे हे. पुलिस ह आरोपी मन ले कार, बाइक, स्कूटी समेत 15 हज़ार नगद बरामद करे हे. लॉकडाउन के बीच सिविल लाइन पुलिस ह ये छापामार कार्रवाई ल अंजाम दिस हे. जानकारी के अनुसार ये घटना मगरपारा मरारगली सिविल लाइन थाना क्षेत्र के अंतर्गत होय हे.
भाटापारा, 20 मई 2020। क्वारेंटाइन होय सगा ल खाना पहुंचा के लहुटत महिला उपर अज्ञात लोगन मन हमला कर दिस. हमला म महिला के मुड़ी म गंभीर चोट आये हे अऊ वो ह घटनास्थल म बेहोश पड़े रहिस. महिला ल गंभीर हालत म अस्पताल म भर्ती कराये गए हे. घटना भाटापारा के ग्रामीण थाना क्षेत्र के ग्राम पंचायत मधुवन म पाछू रात के हरे. जानकारी के अनुसार जेन बेरा हमला होय रहिस महिला क्वारेंटाइन रखे गये अपन सगा ल खाना पहुंचा के लहुटत रहिस. घायल महिला के इलाज भाटापारा शासकीय…
कवर्धा, 06 मई 2020। कवर्धा जिला अस्पताल म पदस्थ स्त्री रोग विशेषज्ञ अरुण चौधरी ह अपन सरकारी क्वाटर म फांसी लगाके आत्महत्या कर लिए हे. उमन अइसे बेरा म खौफनाक कदम उठाये हे, जब ओखर पत्नी गर्भवती हे. घटना के बाद पत्नी बेसुध हालत म पड़े हे. जानकारी के अनुसार मृतक डॉक्टर अरुण चौधरी यूपी के अलीगढ़ के रहने वाला रहिस. कवर्धा म अपन पत्नी के संग रह के जिला अस्पताल म नौकरी करत रहिस. अब सिटी कोतवाली पुलिस विभागीय अउ पारिवारिक दुनो मामला ल लेके जांच करत हे. सीएमएचओ एसके तिवारी के…
रायपुर, 17 अप्रैल 2020। कोरोना महामारी के फर्जी जानकारी सोशल मीडिया म झन फैलावव, कहूँ कुछु शंका हे त स्वास्थ्य विभाग ले संपर्क करके पहिली जानकारी ले लव। नहीं त आप ल पुलिस गिरफ्तार घलोक कर सकत हे। अइसनहे बिन जाने-समझे कोरोना संदिग्ध के फर्जी जानकारी एक मनखे ह व्हाट्सएप म देहे रहिस तेला ये काम बड़ महंगा परिस। सिटी कोतवाली पुलिस ह लउहे कार्यवाही करत एफआईआर दर्ज करके आरोपी युवक ल गिरफ्तार कर लीस। ये मामला गरियाबंद जिला के सिटी कोतवाली थाना क्षेत्र के ये। सिटी कोतवाली थाना प्रभारी…
कांकेर, 08 अप्रैल 2020। एक कोति पूरा दुनिया कोरोना वायरस के सेती हलाकान हे। उहें दुसर कोति छत्तीसगढ़ म नक्सली मन तको हलाकान करत हें। जानबा हे के बीते रात नक्सली मन ह अहेरी तहसील म सड़क अऊ पुल निर्माण म लगे गाड़ी मन म आगी लगा दीन। येमा तीन ट्रेक्टर, तीन मिक्चर मशीन समेत जनरेटर जलके खाक हो गे। कमलापुर ले लिंगमपल्ली के बीच सड़क निर्माण के काम अउ जिमलगट्टा ले देचलीपेठा के बीच किस्टापुर गांव म पुलिया निर्माण के काम चलत रहिस।
कोरबा, 6 अप्रैल 2020। कोरोना वायरस संक्रमित मन के मामला भारत म लगातार बढ़त हे। केंद्र अउ राज्य के सरकार मन राहत अउ बचाव बर हर संभव कोशिश करत हे। इही बीच छत्तीसगढ़ के कोरबा जिला ले बड़का खबर आगु आये हे। खबर हे कि कटघोरा मस्जिद म रुके 16 जमाती मन के खिलाफ मामला दर्ज करे गए हे। बताये जावत हे कि ये सबो झन के खिलाफ जानकारी छिपाये के आरोप म मामला दर्ज करे गए हे।
धमतरी, 30 मार्च 2020। जिला के सिहावा थाना क्षेत्र ले बड़का खबर आगु आवत हे। एक युवक ह फांसी लगाके आत्महत्या कर ले हे, युवक हाल ही म बेंगलुरु ले लहुटे रहिस। बताए जावत हे के जोन ल होम आइसोलेशन म रखे गे रहिस। बताये जावत कि सिहावा थानांतर्गत ग्राम टाँगापानी निवासी 35 वर्षीय गनपत मरकाम बोरवेल्स कम्पनी म काम करत रहिस। इही सिलसिला म वो कुछ दिन बर बेंगलुरु गे रहिस। काम खत्म होय म वो 20 मार्च के बेंगलुरु ले अपन गांव वापस लहुट गे, दूसर राज्य ले…
कटघोरा, 23 मार्च 2020। एक कोति सरकार नॉवेल कोरोना वायरस COVID-19 के रोकथाम बर सरलग उदीम करत हे उहें कुछ मनखे मन शासन के नियम मन ल हल्का म लेके वोकर अवहेलना करत हें। अइसनहे एक मामला कटघोरा थाना के अंतर्गत आए हे, जेमां एक ठेकेदार ह धारा 144 के उल्लंघन करत आधा दर्जन मजदूर मन ल लेके अवैध बॉन्ड्रीवाल बनवावत रहिस। जानबा हे के ठेकेदार जऊन जगा म बॉन्ड्रीवाल बनवावत रहिस वो सरकारी जमीन ये जेमा अवैध तरीका ले मौका के फायदा उठाके कब्जा करवावत रहिस। जइसनहे ये बात…
भोपाल, 23 मार्च 2020। अब कोरोना वायरस के संक्रमण ल लेके फइलत अफवाह अउ दुष्प्रचार करइया मन उपर म सीधा एफ.आई.आर. दर्ज करे जाही। जानबा हे के अभी के बेरा म सोशल मीडिया के सबो प्लेटफॉर्म म कोरोना वायरस ल लेके रकम-रकम के अफवाह फैलाए जात हे। अइसन म प्रशासन घलव सख्त कदम उठावत हे। हमर प्रदेस सहित हमर जुन्ना प्रदेश मध्य प्रदेश के जबलपुर के कलेक्टर ह घलोक अफवाह फइलइया अउ दुष्प्रचार करइया मन उपर सीधा एफ.आई.आर. दरज करे के चेतावनी देहे हे। ये संबंध म जबलपुर के जिला…