रायपुर, थाना टिकरापारा पुलिस ह गोकुल नगर के एक मकान म चोरी करइया दू आरोपी मन ल गिरफ्तार करे हे। जानबा हे के नसीम परवीन नाम के महिला ह टिकरापारा थाना म रिपोट दर्ज कराए रहिस के दिनांक 20.09.2021 के जब वो ह रतिहा कुन अपन घर म सुते रहिस अऊ परिवार के आन सदस्य मन घलोक अलग – अलग कमरा म सुते रहिन। त करीबन पौने तीन बजे वोकर ननद आसिया बेगम ह अपन भाई उस्मान के नाम लेत चिल्लाईस के घर म कोनो चोर घुस गे हे। प्रार्थिया…
बिलासपुर, सकरी कोति के सागर गांव म नवरिया बहु ह अपन घर म फांसी लगाके आत्महत्या कर लेहे हे। ये बीच परिवार वाले मन ह एखर जानकारी अर्चना के मइयके वाले मन ल तो दीन फेर पुलिस ल ये संबंध म सूचना नइ दीन। अर्चना के मइके वाले मन के सूचना म पुलिस ह मामला दर्ज करके लास के पोस्टमार्टम कराए हे। पुलिस ह पूछताछ करके घटना के संबंध म जानकारी लेवत हे। जानबा हे के सकरी के सागर गांव म रहइया अर्चना पांडेय ह अपन घर म फांसी लगाके…
बिलासपुर, तिफरा के रामावर्ल्ड म रहइया विवेक गोयल ह रिपोट लिखाए रहिस के बीते रात जब ओखर नींद खुलिस, त वो ह देखिस के बेडरूम के दरवाजा खुले हे अऊ बेडरूम म रखे आलमारी खुल्ला हे, सब्बो सामान बगरे हे। आलमारी म रखे 5.80 लाख रूपिया अऊ सोना-चांदी के जेवर चोरी हो गए। घटना के रिपोट के बाद सिरगिट्टी पुलिस ह आरोपी के तलाश शुरू करिस, त पता चलिस के आरोपी सून्ना मकान म लुकाए हे। पुलिस मौका म पहुंचिस, त मकान म लुकाए चोर ह पुलिस ल देख के…
बालोद, जिला म एक मेडम के हत्या के मामला म पुलिस ह देवारी के संझा कन खुलासा करे हे। पुलिस के कहना हे के डौण्डीलोहारा थाना क्षेत्र के गांव के शिक्षिका के हत्या अऊ गैंगरेप के बाद कर देहे गए रहिस। सामूहिक दुष्कर्म के वारदात ल अंजाम मेडम के प्रेमी ह अपन संगी मन के संग मिलकर दे रहिस। दुष्कर्म के समय मेडम ह चिल्लईस त आरोपी मन ह ओखर मुंह ल दबा देहे रहिन, जेखर सेती वो मेडम के मौत हो गे। हत्या के ये वारदात के खुलासा पुलिस…
किसान मन के नाव ले फर्जी करजा निकाल के भाग गए रहिस बिलासपुर, सरकंडा के छै किसान मन के नाम म 50 लाख के लोन निकलके फरार हो गए बैंक मैनेजर ल दू साल बाद पुलिस ह ओडिशा ले गिरफ्तार करे हे। ओखर संगी ल पुलिस ह पहिलीच पकड़ ले रहिस। सरकंडा थाना प्रभारी परिवेश तिवारी के बताती ओडिशा के अंगुल निवासी प्रबोध कुमार दास 2016 म एक्सिस बैंक राजकिशोर नगर ब्रांच म डिप्टी मैनेजर रहिस। ये बेरा म ओ ह हिर्री क्षेत्र के धौंराभाठा निवासी हीरालाल साहू के संग…
सिमगा, बेमेतरा पुलिस ह शिवनाथ नदिया म कूदके अपन जान देवइया बड़े गुरूजी के लास ल बरामद कर लेहे हे। ओखर लास बोहावत-बोहावत सिमगा तक पहुंच गए रहिस। खुदकुशी करे के कारण अभी तक परखर नइ हो सके हे। पुलिस ल एक सुसाइड नोट घलोक मिले हे, जेमें अपन मर्जी ले जान देहे के बात लिखे गए हे। जानबा हे के पुलिस ल सूचना मिले रहिस के एक मनखे ह टेमरी ले सिमगा के बीच गुजरइया शिवनाथ नदिया म कूद देहे हे। पुलिस मौका म पहुंचिस त उहां फटफटी खड़े…
रायपुर, रेलवे पुलिस ह एक महिला यात्री ले चोरी करे गए मोबाइल अऊ नगद रुपिया के संग आरोपी ल गिरफ्तार करे हे। मंडल टास्क टीम रेलवे सुरक्षा बल रायपुर, आरपीएफ रेलवे पोस्ट रायपुर अऊ जीआरपी ह संघरा कारवाई करे रहिस। 30 अगस्त के मंडल सुरक्षा आयुक्त आरपीएफ रायपुर के मार्गदर्शन म जांच करे गीस। रेलवे स्टेशन रायपुर म जांच के समय एक संदिग्ध मनखे ल प्लेटफार्म 5 अऊ 6 म बिलासपुर छोर तीर घेराबंदी करके पकड़े गीस। पूछताछ करे म पता चलिस के वो मंगल कल्यारी उर्फ लक्की (25 वर्ष)…
भिलाई, रद्दा म रेंगत अऊ खड़े होके मोबाइल म बात करत मनखे मन ले छिंतई के मामला म पांच आरोपी मन ल गिरफ्तार करे गए हे। आरोपी मन तीर ले कुल 10 नग मोबाइल अऊ घटना बर उपयोग म लाए दू ठन फटफटी जपत करे गए हे। आरोपी मन ह भिलाई नगर, भट्ठी, सुपेला, जामुल, छावनी अऊ खुर्सीपार थाना कोति छिंतई करत रहिन। सबो के खिलाफ लूट के धारा मन के तहत कारवाई करके ओ मन ल जेल भेजे गए हे। भिलाई नगर सीएसपी राकेश जोशी के बताती सात सितंबर…
महासमुंद, 04 सितम्बर 2021।। पुलिस वाले उपर आरोप लगे हे के उमन एक मनखे ल दारू तस्करी करत पकडि़न फेर ओखर भाई ल थाना बलाके कुचरिन अऊ 10 हजार रूपिया मांगिन, सौदा 7 हजार रूपिया म जय होईस त सात हजार लेके वोला छोड़ दीन। एती पुलिस वाले मन के ये हरकत ल एक झन मनखे ह मुबाईल म रिकार्ड कर लीस अऊ सोशल मीडिया म वायरल कर दीस। जब बड़े पुलिस अधिकारी मन ल पता चलिस त जांच के बाद दू पुलिस ल सरूपेंड करे गीस, जेमां एक झि…