दन्तेवाड़ा, 12 फरवरी, 2020। हत्या अउ पंचायत चुनाव म बम विस्फोट करे के आरोप म एक जनमिलिशिया नक्सली दुगालीकरका के जंगल ले गिरफ्तार करे गए हे. नक्सली कुम्मा मड़कम बीते चार साल ले नक्सली संगठन ले जुड़े रहिस. गुरतुर गोठ बर दिलीप कुमार
गरियाबंद, 12 फरवरी, 2020। जिला के जोबा वन सर्कल म महज 3 दिन के बाद दूसरा बार वन्य जीव के मौत होय हे. जिहा 3 दिन पहली कुंआ म गिरे ले तेंदुआ के मौत होय रहिस वहीं आज कुत्ता मन हिरण के लइका ल नोंचके मार डालिस. वन विभाग ह हिरण के शव के पंचनामा कर गरियाबंद वन परिसर म लाके पोस्टमार्टम करवाइस अउ अंतिम संस्कार करिस। गुरतुर गोठ बर दिलीप कुमार
रायपुर, 10 फरवरी 2020। पंचायत अउ स्वास्थ्य मंत्री टीएस सिंहदेव के माँ राजमाता देवेंन्द्र कुमारी सिंह देव के निधन होगे हे. बताये जावत कि सोमवार के संझा 7 बजके 3 मिनट म वो गुरुग्राम के मेदांता अस्पताल म आखिरी सांस लीन. राजमाता के निधन के खबर मिलते ही सरगुजा संभाग म शोक के लहर फैल गए हे. माँ के निधन के खबर मिलते ही टीएस सिंहदेव दिल्ली बर रवाना हो गए हे. बताये जावत कि उखर शव कल अंबिकापुर लाये जाही, अउ 11 फरवरी के ओखर पार्थिव देह ल अंतिम…