रइपुर, 29 जून 2022 कभू घर के चारदीवारी म चूल्हा चौका करइया हाथ अब एलईडी बल्ब बनावत हावय, जेकर ले लोगन के घर म अंजोर बगरत हे। अपन कार्यकुशलता ले ये माइलोगन मन एलईडी बल्ब सहजता ले तियार करत हावय। महज 10 दिन के प्रशिक्षण लेके वोमन एलईडी बल्ब तियार करे बर सीख ले हावय। शिवकुमारी अउ मीना कुमारी येला बखूबी बनावत हावय। वोमन मुख्यमंत्री ल अपन हाथ ले तियार करे बलब जलाके देखाइन। मुख्यमंत्री कहीन कि अइसने जिनगी म अंजोर बगरावत राहव।
गोधन ह बना दीस जोड़ी : गोबर बेचके होए कमई त बिहाव म आवत रूकावट होगे दूर गोधन न्याय योजना के सेति मिलीस जीवनसंगिनी राज्य सरकार के प्रति विश्वास बाढ़िस: मुख्यमंत्री दाऊ भूपेश बघेल रइपुर, 29 जून 2022 कुछ बछर पहिली एक ठो फिलिम आए रिहिसे “रब ने बना दी जोड़ी”, इही ल छत्तीसगढ़ म अब लोगन कहे लगे हे “गोधन ने बना दी जोड़ी”। दरअसल कोरिया म एक झिन युवक के बिहाव के रुकावट गोबर बेचे ले दूर होगे अउ गोबर बेचे के कमई ल देखके ओकर बिहाव होगे।…
रइपुर, 29 जून 2022 मूसलाधार बरसा के बाद तको भेंट-मुलाकात म लोगन के उछाह कमती नइ होइस। भेंट-मुलाकात म तीर-तखार के गाँववाले मन मुख्यमंत्री के आगू म अपन बात रखे बर पहुंचिन। बरसत पानी ल देख मुख्यमंत्री ह गाँववाले मन ले पूछिस कि कार्यक्रम बंद करन कि चलन देवन। गाँववाले मन पूरा उछाह ले भेंट-मुलाकात जारी रखे सहमति दीन। मुख्यमंत्री दाऊ भूपेश बघेल आज कोरिया जिला के मनेन्द्रगढ़ विधानसभा क्षेत्र के ग्राम कटकोना के ग्रामीण मन ले भेंट-मुलाकात करत रिहिसे । मुख्यमंत्री दाऊ भूपेश बघेल भेंट-मुलाकात अभियान के तहत आज…
रइपुर, 29 जून 2022 मुख्यमंत्री दाऊ भूपेश बघेल भेंट-मुलाकात अभियान के तहत आज मनेंद्रगढ़ विधानसभा के ग्राम कटकोना में मल्टीयूटिलिटी सेंटर कटकोना म 14 महिला स्व-सहायता समूह के 140 झिन सदस्य मन ले मुलाकात करीन अउ उंकर आय बढ़ाए के बूता-काम ल संहराइस। मुख्यमंत्री ह माइलोगन मन के उछाह ल बढ़ावत मल्टीयूटिलिटी सेंटर के प्रबंधक पंजी म टिप्पणी लिखीन कि महिला सशक्तिकरण के तहत स्वावलंबन कोति माइलोगन मन के येह अबड़ पोठ कदम हरे। जानबा होवय कि समूह के माइलोगन मन आलू चिप्स, बेकरी, दोना पत्तल, मसाला, चप्पल, एलईडी बल्ब…
रइपुर, 29 जून 2022 मुख्यमंत्री दाऊ भूपेश बघेल आज भेंट-मुलाकात के कड़ी म कोरिया जिला के मनेंद्रगढ़ विधानसभा के ग्राम कटकोना पहुंचे रिहिन। उहां स्थित हाई स्कूल मैदान म लइका मन के आग्रह म पारंपरिक खेल भौंरा के मजा लीन। मुख्यमंत्री के आगू म आठवीं म अध्ययनरत पंडो जनजाति के छात्र संजय कुमार ह तीरंदाज़ी म अचूक निशाना लगाइन। संजय गांव निवारी बहरा के रहवइया हरे, जउन खेलगढ़िया योजना म प्रशिक्षण लेवत हावय। मुख्यमंत्री ह संजय के हुनर के भूरि-भूरि प्रशंसा करत ओकर हौसला बढ़ाइन। मुख्यमंत्री ह भेंट-मुलाकात के बेरा…
रइपुर, 29 जून 2022 मुख्यमंत्री दाउ भूपेश बघेल ह आज कोरिया जिला के मुख्यालय बैकुंठपुर के विश्राम गृह ले जिला के पांचों विकासखण्ड बर सांसद निधि कोति ले देहे जावत 5 ठिन एम्बुलेंस ल हरियर झंडी देखाके रवाना करीन। कोरिया जिले म स्वास्थ्य सुविधा मन के विस्तार अउ दूरिहा के क्षेत्र मन म तुरते-ताही आपात चिकित्सा सेवा उपलब्ध कराए के दिशा म ये एम्बुलेंस उपयोगी साबित होही। गृहमंत्री श्री ताम्रध्वज साहू, सांसद श्रीमती ज्योत्सना चरणदास महंत, संसदीय सचिव श्रीमती अम्बिका सिंहदेव अउ विधायक श्री गुलाब कमरो ये बेरा संघरे रिहिन।…
रायपुर, मुख्यमंत्री श्री भूपेश बघेल के रायपुर स्थित निवास म 4 दिसम्बर बुधवार के आयोजित होवइया ‘जनचौपाल भेंट-मुलाकात‘ के कार्यक्रम अपरिहार्य कारण ले स्थगित कर दे गए हे।
रायपुर, मुख्यमंत्री श्री भूपेश बघेल ल आज ऊंखर निवास कार्यालय म आयोजित जनचौपाल भेंट मुलाकात कार्यक्रम म रायपुर पश्चिम विधानसभा क्षेत्र के विधायक श्री विकास उपाध्याय अऊ भिलाई के विधायक अऊ महापौर श्री देवेन्द्र यादव ह चंदखुरी स्थित कौशल्या माता मंदिर ल बनेच ढ़ंग ले व्यवस्थित करे अऊ निर्माण काम बर 1.10-1.10 लाख रूपिया के चेक सौंपिन। ये बेरा म वन मंत्री श्री मोहम्मद अकबर अऊ रायपुर उत्तर के विधायक श्री कुलदीप जुनेजा घलोक उपस्थित रहिन। इहां हम बताना चाहबोन के राजधानी रायपुर ले करीबन 27 किमी दूरी म आरंग…
रायपुर, मुख्यमंत्री श्री भूपेश बघेल ह आज अपन निवास कार्यालय म आयोजित जनचौपाल म दिव्यांग शशि कुमारी उइके के मकान म छत ढ़लाई कराए के निर्देश कलेक्टर रायपुर ल दीन। रायपुर जिला के ग्राम कठीया निवासी दिव्यांग शशी कुमार उइके ह मुख्यमंत्री ल अपन मोबाइल फोन म जर्जर मकान के फोटो देखाके ओ म ढ़लाई कराए के आग्रह करिस। मुख्यमंत्री ह रायपुर कलेक्टर ल दिव्यांग सुश्री उइके के आवेदन देके ऊंखर मकान म छत ढ़लाई कराए के निर्देश दीन। दिव्यांग सुश्री उइके ह मुख्यमंत्री ल बताइस कि ओखर स्वर्गीय पिता…