रायपुर। राजधानी म कोरोना वायरस ले संक्रमित मरीज़ के मिले के बाद सरकार रोकथाम अउ नियंत्रण म जुट गे हे। पूरा प्रदेश के नगरीय निकाय क्षेत्र म धारा 144 लागू कर दे गे हे। पूरा प्रदेश म कुल 167 नगरीय निकाय क्षेत्र हे जेमां नगर निगम अउ नगर पालिका प्रशासन हे। दूसरा शब्दों म सबो शहर जो कि बड़े अथवा कस्बाई हे वहाँ एक संग चार ले ज्यादा लोगन मन के समूह एक जगह नई हो सकय।
दंतेवाड़ा, 19 मार्च 2020। गमपुर के जंगल म डीआरजी अउ दंतेश्वरी महिला फाइटर के कमांडो अऊ नक्सली मन के बीच मुठभेड़ के खबर हे। जानबा हे के गमपुर ह दंतेवाडा अऊ बीजापुर जिला के सरहदी इलाका म घना जंगल के क्षेत्र ये। जानबा होए हे के अभी बिहंचे ले सरलग मुठभेड़ जारी हे। डीआरजी के जवान मन ह एक पुरुष नक्सली के शव बरामद करें हे संगेच कई नक्सली मन के घायल होए के घलोक सूचना मिले हे। खबर के बताती डीआरजी के जवान मन ल उहां बड़े नक्सली नेता…
सुकमा, 19 मार्च 2020। सीआरपीएफ बटालियन भंडारी पारा कैंप म जन शिविर के आयोजन करे गीस जेमां तीर-तखार के गांव वाले मन ल बलाए गए रहिस। जेमा लइका अऊ युवा मन के खेल प्रतियोगिता के आयोजन करे गीस अउ विजेता उपविजेता टीम के खिलाड़ी मन ल ड्रेस देहे गीस अउ मैच के बाद पुरस्कार घलोक देहे गीस। सकलाए गांव वाले मन ल उंकर जरूरत के कई समान घलोक देहे गीस जेमा सियान महिला अउ पुरुष मन ल कम्बल, महिला मन ल कढ़ई, पुरुष मन ल टार्च लाइट, स्कूली लइका मन…
दुर्ग, 11 मार्च 2020। होली के दूसर दिन आज बुधवार के तको शहर के कई गली मोहल्लस मन म मनखे मन होरी खेलत दिखीन। एकरे संग पुलिस वाले मन तको आज होली खेलिन अउ सब्बो अधिकारी कर्मचारी कोतवाली थाना म रंग गुलाल उड़ात नजर आइन। कोतवाली म डीजे धुन म कर्मचारी मन ठुमका लगावत रंग खेलत रहिन। एखरे संग पुलिस अधीक्षक कार्यालय के तरी म तको अधिकारी कर्मचारी मन होली खेलिन।
चंडीगढ़ म बने करीब 13 लाख कीमत के 3 सौ 80 पेटी अंगरेजी शराब जब्त रायपुर, 7 मार्च 2020। मुख्यमंत्री श्री भूपेश बघेल कोति ले अवैध शराब उपर सख्त कार्रवाई करे हुकुम के बाद छत्तीसगढ़ पुलिस कोति ले बड़का कार्रवाई करे गए हे। पुलिस ह मंदिर हसौद के ग्राम दरबा म छापा मारके करीब 13 लाख कीमत के 340 पेटी अऊ पिकअप ले 40 पेटी अंगरेजी शराब जब्त करे हे। कार्रवाई म 5 आरोपी मन ल गिरफ्तार करे गए हे, संगेच एक पिकअप जब्त करे गए हे।
रायपुर, 16 फरवरी 2020। गृह मंत्री श्री ताम्रध्वज साहू ह भिलाई के पारख ज्वेलर्स म करोड़ों के चोरी के तुरते पता लगाय म पुलिस टीम के मनोबल बढ़ाय बर पांच लाख रूपिया इनाम के घोषणा करे हें। उमन चोर के खिलाफ जल्दी कार्रवाई करत चोरी के खुलासा करे म दुर्ग रेंज के पुलिस महानिरीक्षक श्री विवेकानंद सिन्हा अउ पुलिस अधीक्षक श्री अजय यादव संग पूरा टीम ल बधाई अऊ शुभकामना दिए हें।
पुलिस टीम ल ढाई लाख रूपिया ईनाम देहे के घोषणा रायपुर 29 जनवरी 2020। गृह मंत्री श्री ताम्रध्वज साहू ह आज अपन रायपुर निवास परिसर म रायपुर के उद्योगपति श्री प्रवीण सोमानी ल अपहरणकर्ता मन के चंगुल ले सकुशल वापस लाय म पुलिस टीम ल बधाई अऊ शुभकामना दीन। ये बेरा म रायपुर रेंज के पुलिस महानिरीक्षक श्री आनंद छाबड़ा अऊ वरिष्ठ पुलिस अधीक्षक रायपुर श्री आरिफ शेख घलोक उपस्थित रहिन। गृह मंत्री ह पुलिस महानिरीक्षक अऊ पुलिस अधीक्षक के नेतृत्व म अपहरण कांड म तुरते काम करे अऊ फेर…
रायपुर, 24 जनवरी 2020। पुलिस महानिदेशक श्री डी. एम. अवस्थी ह प्रवीण सोमानी अपहरणकांड सुग्घर ढ़ग ले सुलझाए म रायपुर आईजी श्री आनंद छावड़ा अऊ एसएसपी श्री आरिफ शेख समेत 67 पुलिसकर्मी मन ल इन्द्रधनुष सम्मान ले सम्मानित करिस। ये बेरा म उमन कहिन कि पुलिस ह ये अपहरण कांड ल बहुतेच प्रोफेशनल तरीका ले सुलझाए हे। श्री अवस्थी ह कहिन के मुख्यमंत्री कोति ले ये सफलता बर पुलिस जवान मन ल सम्मानित करे जाना हमार बर बड़ गरब के बात हे। ऊंखर सम्मान करे के मतलब ये हे के…
रायपुर, मुख्यमंत्री श्री भूपेश बघेल ह आज अपन निवास कार्यालय म रायपुर के व्यवसायी श्री प्रवीण सोमानी के सकुशल वापसी अऊ आरोपी मन के गिरफ्तारी उपर टीम म सामिल छत्तीसगढ़ संग आन राज्य मन के पुलिस अधिकारी मन अऊ कर्मचारी मन के मनोबल बढ़ाइन अऊ पुलिस के ये उपलब्धि बर ओ मन ल बधाई घलोक दीन। मुख्यमंत्री श्री बघेल ह ये मौका म टीम के पुलिस अधिकारी मन अऊ कर्मचारी मन के सफलता के विशेष रूप ले सराहना करिन अऊ टीम म सामिल छत्तीसगढ़ के पुलिस अधिकारी मन अऊ कर्मचारी…