रइपुर, 5 अगस्त 2021 बिरस्पत। खेल अउ युवा कल्याण मंत्री श्री उमेश पटेल ह भारतीय हॉकी टीम ल टोकियो ओलंपिक म ऐतिहासिक जीत दर्ज करके कांस्य पदक जीते म बधाई अउ शुभकामना दीन हवयं। मुख्यमंत्री ह कहीन कि भारतीय हॉकी टीम ह आज संघर्ष पूर्ण मुकाबला म शानदार खेल कौशल के प्रदर्शन करत जर्मनी ल 5-4 से हराइस अउ 41 बछर बाद ओलंपिक म पदक जीतीन । पूरा देश ल अपन टीम उपर गर्व हवय।
रइपुर, 24 जुलाई 2021 शनिच्चर। खेल अउ युवा कल्याण मंत्री श्री उमेश पटेल ह टोक्यो ओलंपिक म 49 किलोग्राम वर्ग के भारोत्तोलन प्रतियोगिता म भारत के भारोत्तोलक मीराबाई चानू कोति ले रजत पदक जीते म उन ल बधई अउ शुभकामना दीन हवय। मंत्री श्री पटेल ह कहीन हे कि मीराबाई चानू जी ह भारत बर भारोत्तोलन म चाँदी के पदक जीतके पूरा राष्ट्र ल गौरवान्वित करीन हवय। एकर बर पूरा देश ल ओकर ऊपर गर्व हवय।
रइपुर, 24 जुलाई 2021 शनिच्चर। मुख्यमंत्री दाउ भूपेश बघेल ह टोक्यो ओलंपिक म भारत के भारोत्तोलक मीराबाई चानू कोति ले रजत पदक जीते म उन् ल बधई अउ शुभकामना दीन हे। मुख्यमंत्री ह कहीन हे कि मीराबाई चानू ह भारत देश ल विश्व पटल म गौरवान्वित करीन हे। मीराबाई चानू ह ओलंपिक खेल म 49 किलोग्राम वर्ग के भारोत्तोलन प्रतियोगिता म कांटा के मुकाबला म जोरदरहा प्रदर्शन करत देश बर पहला रजत पदक जीतीन हवय।
रइपुर, 14 जून 2021 सम्मार। मुख्यमंत्री दाउ भूपेश बघेल ह कहीन कि प्रदेश म एडवेंचर स्पोर्ट्स ल बढ़ावा देहे बर छत्तीसगढ़ म लउहे पर्वतारोहण अकादमी प्रारंभ करे जाही । ये अकादमी बस्तर म शुरू होही । मुख्यमंत्री दाउ बघेल ह आज इहां घरू कार्यालय म छत्तीसगढ़ के युवा पर्वतारोही नैना सिंह धाकड़ ले भेंट करके ये घोषणा करीन। नैना सिंह ल एक जून के दुनिया के सबले ऊंच चोटी माऊंट एवरेस्ट जीेते म सफलता मिलीस हे। मुख्यमंत्री ह ये शानदार उपलब्धि बर नैना सिंह ल बधई उन्कर उज्जवल भविष्य बर…
रायपुर, 6 दिसम्बर 2020। छत्तीसगढ़ म पहली घाव वर्चुअल मैराथन दौड़ के आयोजन 13 दिसम्बर के करे जावत हे। ए दौड़ म शामिल होए बर 4 दिसम्बर ले पंजीयन शुरू होगे हे। एखर बर सबो वर्ग के लोगन म अच्छा-खासा उत्साह देखे बर मिलत हे। एमा पंजीयन के शुरू होवत ही 24 घण्टा के भीतर 19 हजार लोगन ह ऑनलाइन रजिस्ट्रेशन कराए हे। राज्य म नवा सरकार के गठन के दू बछर पूरा होए के अवसर म आयोजित ए वर्चुअल मैराथन म अब तक जांजगीर चांपा जिला ले 1584, बालोद…
नई दिल्ली, 15 अगस्त 2020। टीम इंडिया ल 2011 के क्रिकेट विश्व कप दिलाने वाला महेंद्र सिंह धोनी ह अंतर्राष्ट्रीय क्रिकेट ले संन्यास ले लिस हे। धोनी 2019 क्रिकेट विश्व कप के बाद ले टीम इंडिया ले बाहिर रिहिस। अइसे म उंखर संन्यास ले के कयास लगत रिहिस। अब जब आईपीएल अवइया महीना होना निश्चित होगे हे त अइसे म धोनी ले जुड़े सबले बड़का खबर आगु आगे हे। Indian cricketer Mahendra Singh Dhoni announces retirement from international cricket. pic.twitter.com/3UwE6ZXfK6 — ANI (@ANI) August 15, 2020