रइपुर 29 अप्रैल 2021 बिरस्पत। मुख्यमंत्री दाउ भूपेश बघेल ह अपन घरू कार्यालय म राज्य म कोरोना महामारी ले निपटे बर सबो संभाग के औद्योगिक संगठन के प्रतिनिधि मन ले चर्चा करीन अउ आवश्यक सुझाव लीन । वीडियो कॉन्फ्रेंंसिंग ले होवतत चर्चा मुख्यमंत्री के अपील म सबो औद्योगिक संस्थान कोरोना ल हरोए बर हर संभव सहायता
के आश्वासन दीन। येे बेरा म उद्योग मंत्री श्री कवासी लखमा सुकमा ले अउ प्रमुख सचिव उद्योग श्री मनोज पिंगुआ वीडियो कॉन्फ्रेंसिंग के माध्यम ले जुड़े रिहिन।
मुख्यमंत्री दाउ बघेल ह कहीन कि कोरोना संक्रमण ले बचाव अउ रोकथाम बर सबो औद्योगिक परिसर अउ खदान संयंत्र के तीर—तखार के गांव मन म बने घन जनजागरूकता अभियान चलाय जाय। उहां कार्यरत कर्मचारी अउ श्रमिक मन के संंग लोगन मन ल कोरोना के दवई के किट बंंटई लउहे कराए जावय। कोरोना के लक्षण दिखते साथ कहूं मनखे दवा लेना चालू कर दैंं त वोह बाढ़े नइ पावय अउ गंभीर स्थिति नइ आवय।
मुख्यमंत्री दाउ बघेल ह जम्मो औद्योगिक संगठन मन ल अपन-अपन संस्थान म कोविड-19 के गाईड लाईन के शत- प्रतिशत पालन सुनिश्चित कराए बर विशेष जोर दीन। संगे —संग औद्योगिक संगठन मन ले सरलग मिलत सहयोग ल सहराइन तको।
चर्चा के बेरा औद्योगिक संगठन मन के प्रतिनिधि सर्वश्री के.के. झा, रामभगत अग्रवाल, नरेन्द्र गोयल, कमल सारडा, अतुल साहू, बी.एल.अग्रवाल, हरीश केडिया, अश्विन गर्ग, संजय अग्रवाल, अशोक सुराना, प्रदीप टंडन अउ मनोज अग्रवाल मन न अपन-अपन संस्थान म शत-प्रतिशत टीकाकरण बर कैम्प लगाए म शासन ले सहयोग के आग्रह करीन।संग म मुख्यमंत्री दाउ बघेल अपन-अपन संस्थान म शासन के दिशा-निर्देश अउ कोविड अनुकूल बेवहार के शत-प्रतिशत पालन संंग कोरोना संक्रमण के रोकथाम म हर संभव सहयोग बर आश्वस्त करीन । ये बेरा म अपर मुख्य सचिव श्री सुब्रत साहू अउ मुख्यमंत्री के सचिव श्री सिद्धार्थ कोमल सिंह परदेशी संघरे रिहिन।
