रायपुर, मुख्यमंत्री श्री विष्णुदेव साय ह काली वाराणसी म केंद्रीय गृह मंत्री श्री अमित शाह के अध्यक्षता म आयोजित मध्य क्षेत्रीय परिषद के 25वीं बैठक म भाग लीन। ए बैठक म ऊंखर संग उत्तरप्रदेश, उत्तराखंड अउ मध्यप्रदेश के मुख्यमंत्री घलोक सामिल होइन।
मध्य क्षेत्रीय परिषद के वाराणसी म आयोजित 25वीं बैठक के समय ये जानकारी देहे गीस के अगला बैठक के आयोजन छत्तीसगढ़ के बस्तर म करे जाही। ये निर्णय देश के दूरस्थ अऊ चुनौतीपूर्ण अंचल मन ल राष्ट्रीय नीति-निर्धारण के मुख्यधारा म लाय के दिशा म एक ऐतिहासिक पहल के रूप म देखे जात हे। बस्तर जइसे क्षेत्र म ए स्तर के बैठक के आयोजन प्रधानमंत्री श्री नरेन्द्र मोदी अऊ केंद्रीय गृह मंत्री श्री अमित शाह के समावेशी विकास अऊ सुशासन के नीति के सशक्त चिनहारी ये।
बैठक के समय वरिष्ठ अधिकारी मन ह आशा व्यक्त करिन के परिषद के अवइया बैठक तक बस्तर म नक्सल उन्मूलन के दिशा म उल्लेखनीय अऊ निर्णायक प्रगति हो गए होही। ए विश्वास के संग, परिषद ह बस्तर क्षेत्र ल शांति, स्थायित्व अऊ विकास के एक मॉडल के रूप म प्रस्तुत करे के लक्ष्य रखे हे। ये घोषणा राज्य अऊ केंद्र के बीच बेहतर समन्वय अऊ सामूहिक इच्छाशक्ति के प्रमाण हे।
मुख्यमंत्री श्री विष्णु देव साय ह ए निर्णय के स्वागत करत कहिन के बस्तर म अइसन उच्च स्तरीय बैठक के आयोजन न केवल क्षेत्र बर गौरव के बात हे, बल्कि एखर से उहां के विकास ल नवा ऊर्जा घलोक प्राप्त होही। उमन विश्वास जताइन के केंद्र सरकार के सहयोग ले बस्तर अब संघर्ष के न ही, संभावना मन के चिनहारी बने खातिर आगू बढ़ हे।
अवइया मध्य क्षेत्रीय परिषद बैठक बस्तर म होही आयोजित
