शासकीय योजना बनिस किसान मन बर वरदान

समय म मिलीस खाद-बीज, अब हर फसल ले जुड़े हे उम्मीद अऊ उत्साह
कोरबा, मुख्यमंत्री श्री विष्णु देव साय के हुकुम के मुताबिक किसान मन ल बेरा म अऊ भरपूर मात्रा म खाद-बीज उपलब्‍ध कराए के व्यवस्था करे गए हे। शासन के प्राथमिकता हे के प्रदेश के कोनो किसान ल किसानी म कोनो समस्या झन होवय। ए समय खरीफ सीजन के बोवई के काम अपन चरम म हे। झमाझम बारिश के बीच खेत मन म रौनक लहुटे हे अऊ किसान मन म उत्साह के माहौल हे।
कोरबा जिला के सबो सहकारी समिति मन म खाद अउ बीज के भरपूर भंडारण हे अऊ वितरण के प्रक्रिया निरंतर पारदर्शी अऊ सुगम ढंग ले जारी हे। समिति मन के माध्यम ले किसान मन ल यूरिया, डीएपी, पोटाश, सुपर फास्फेट, नैनो यूरिया संग प्रमाणित अउ उन्नत किसिम के धान बीज जइसे – स्वर्णा, 1010, 1001 अऊ 1156 के वितरण करे जात हे।
सहकारी समिति मन म किसान मन के सुविधा के विशेष ध्यान रखत वितरण काम ल अइसे व्यवस्थित करे गए हे के किसान मन ल न तो लंबा लेन म लगना परत हे अऊ न ही अनावश्यक अगोरा करना परत हे। किसान अपन जरूरत मुताबिक समिति मन म पहुंचके सुगमता ले खाद-बीज प्राप्त करत हें।