शैक्षिक गोठ कार्यक्रम म 10 उत्कृष्ट शिक्षक अऊ 25 सेवानिवृत्त शिक्षक मन के होइस सम्मान
बालोद, लइका मन के समकुल विकास म गुरूजी मन के असल मेहनत होथे। सहायक शिक्षक फेडरेशन, शिक्षक मन के ग्रुप अउ नया आयाम पत्रिका कोति ले शैक्षिक गोठ अउ शिक्षक सम्मान कार्यक्रम के ये आयोजन सुग्घर उदीम ये। लइका मन ल सिक्छा के संस्कार देके जम्मो सामाज के विकास म गुरूजी मन बड़का योगदान देथें। लइका मन ल आगू बढ़ाए बर शिक्षक मन सरलग उदीम करत रहिथें। तेकरे सेती तो लइका मन अपन माता पिता ले जादा गुरूजी मन ल प्राथमिकता देथें। आज मैं जऊन मुकाम ल हासिल करे हंव, ये मां मोर गुरूजी मन के महत्वपूर्ण भूमिका मानथंव। गुरू-शिष्य के परंपरा के सकारात्मकता अइसने बने रहय। हमर सरकार ह शिक्षक मन के बहुत कुछ समस्या मन के समाधान कर देहे हे। जऊन कुछ बाकी हे, ओ म घलोक सकारात्मक पहल जारी हे। लउहेच बनेच खबर मिलही।” ये विचार बालोद जिला गुंडरदेही ब्लॉक म सहायक शिक्षक फेडरेशन ब्लॉक गुंडरदेही, शिक्षक व्हाट्सअप ग्रुप गुंडरदेही अऊ नया आयाम शैक्षिक ई पत्रिका के संयुक्त तत्वावधान म शैक्षिक गोठ अऊ शिक्षक सम्मान कार्यक्रम म मुख्य अतिथि के रूप म उपस्थित बालोद जिला प्रभारी मंत्री माननीय अमरजीत भगत, संस्कृति मंत्री, छत्तीसगढ़ शासन ह व्यक्त करिन।
ये शैक्षिक गोठ कार्यक्रम के मुख्य वक्ता भिलाईनगर के शिक्षाविद मनोज स्वैन, न्यू मीडिया एक्सपर्ट संजीव तिवारी अऊ गुंडरदेही के वरिष्ठ अधिवक्ता श्री कृष्णमूर्ति तिवारी रहिन। स्वागत भाषण सहायक शिक्षक फेडरेशन के जिलाध्यक्ष देवेन्द्र हरमुख ह दीस। कार्यक्रम के संचालन बुशरा परवीन अऊ आभार प्रदर्शन ब्लॉक अध्यक्ष संजय सेन ह करिस।
ये कार्यक्रम म जिला के 10 उत्कृष्ट शिक्षक मन संग 25 सेवानिवृत्त शिक्षक मन के सम्मान करे गीस। ये कार्यक्रम के मुख्य अतिथि बालोद जिला प्रभारी मंत्री श्री अमरजीत भगत, अध्यक्षता श्री कुंवरसिंह निषाद, विधायक गुंडरदेही अऊ विशेष अतिथि के रूप म ब्लॉक कांग्रेस कमेटी गुंडरदेही के अध्यक्ष श्री सुरेश कुमार साहू अऊ नगर पंचायत गुंडरदेही के अध्यक्ष श्री कोमल सोनकर, पूर्व ब्लाक अध्यक्ष संजय साहू, रवि राय, नारायण साहू उपस्थित रहिन।
ये बेरा म गुंडरदेही विधायक कुंवरसिंह सिंह निषाद ह कहिन कि शिक्षक राष्ट्र ल बनइया होथे। भविष्य के निर्माण अउ संहार शिक्षक मन के हाथ म हे। उमन आगू कहिन कि ये मोर बर सुरता राखे के बेरा ये कि गुरूजी मन के सम्मान कार्यक्रम म मोला उपस्थित होए के अवसर मिले हे। जिहां गुरूजी मन के सम्मान होथे, उहाँ एक स्वच्छ समाज के परिकल्पना ल क्रियान्वित करे जाथे।
कार्यक्रम ल गुंडरदेही विकासखंड शिक्षा अधिकारी एम एस चौहान, मुख्य वक्ता मनोज स्वैन, कृष्णमूर्ति तिवारी, संजीव तिवारी, ईश्वरी कुमार सिन्हा, ओमन मार्कण्डेय, चन्द्रशेखर पवार आदि ह संबोधित करिन।
ये बेरा म एबीईओ श्रद्धा ठाकुर, सीमा नायक, केआर साहू, देवेन्द्र हरमुख, सुभाष गजेन्द्र, संजय सेन, बुशरा परवीन, श्रवण कुमार यादव, संध्या बंजारे, योगेश्वरी देवांगन, खेमलाल ठाकुर, हेमेन्द्र चंद्रहास, अलेन्द्र यादव बालोद, एच एल बोरकर, गिरवर निर्मलकर, अतीव भवतमंगे, मनीष भोंगड़े, मिरेन्द्र साहू, पीआर ठाकुर, धनीराम गहिरवार, सागर गुप्ता, कमल किशोर दिल्लीवार, युवराज साहू, शैलेन्द्र ठाकुर, छबिलाल साहू, गजेंद्र साहू, यशवंत चंद्राकर, प्रभा ठाकुर, रोशन मण्डले, भारती सिन्हा, सुनील ठाकुर, कमल नारायण टण्डन, भारती टण्डन, लिपिका कोर्सेवाड़ा, चोवा ठाकुर,सुरेश सेन, पोसेन्द्र देवांगन, शरदचंद्र सिंह ठाकुर, दुलेश्वर, सुरेन्द्र साहू, महेश साहू, टीआर बांधे, कमल वैष्णव, किशन साहू, ओमप्रकाश साहू, महेंद्र साहू संग जम्मो संकुल समन्वयक अउ शिक्षक मन उपस्थित रहिन।
जिला के सम्मानित 10 उत्कृष्ट शिक्षक
1. श्री ओमन मार्कण्डेय, व्याख्याता पंचायत (जीवविज्ञान)
शासकीय उच्चत्तर माध्यमिक विद्यालय सुरडोंगर, विकासखण्ड डौंडी, जिला बालोद
2. श्री द्रोण कुमार सार्वा, शिक्षक
शासकीय पूर्व माध्यमिक शाला चिचबोड़, विकासखंड गुंडरदेही, जिला बालोद
3. श्रीमती प्रतिभा त्रिपाठी, शिक्षक
शासकीय पूर्व माध्यमिक शाला गोड़ेला, विकासखण्ड गुंडरदेही, जिला बालोद
4. श्री दयाराम चुरेन्द्र, सहायक शिक्षक
शासकीय प्राथमिक शाला बी जामगांव, विकासखण्ड बालोद, जिला बालोद
5. श्री अश्विनी कुमार सिन्हा, सहायक शिक्षक
शासकीय प्राथमिक शाला चिरैगोड़ी विकासखण्ड बालोद, जिला बालोद
6. श्री सुभाष सिंह बेलचंदन, सहायक शिक्षक
शासकीय प्राथमिक शाला चिलमगोटा, विकासखण्ड डौंडीलोहारा, जिला बालोद
7. श्री ईश्वरी कुमार सिन्हा (राष्ट्रपति पुरस्कृत शिक्षक), सहायक शिक्षक
शासकीय प्राथमिक शाला चिटौद, विकासखण्ड गुरूर, जिला बालोद
8. श्री षडप्रकाश किरण कटेन्द्र (शिक्षादूत पुरस्कृत शिक्षक), सहायक शिक्षक
शासकीय प्राथमिक शाला छोटापारा कपरमेटा, विकासखण्ड गुरूर, जिला बालोद
9. श्री मारूति नन्दन मरकाम, पीटीआई
शासकीय उच्चत्तर माध्यमिक विद्यालय गोरकापार, विकासखण्ड गुंडरदेही, जिला बालोद
10. श्री दुर्गेश कुमार ठाकुर, संकुल शैक्षिक समन्वयक
संकुल स्रोत केंद्र भरदाकला, विकासखण्ड गुंडरदेही, जिला बालोद
