विशाखापट्टनम। आंध्र प्रदेश के विशाखापट्टनम के आरआर वेंकटपुरम म एलजी पॉलिमर कंपनी म खतरनाक जहरीली गैस के रिसाव होय ले अब तक 10 मनखे के मौत हो गे हे. करीब 800 से जादा मनखे ल अस्पताल में भर्ती कराय गे हे. जबकि 5 हजार से जादा लोगन मन गैस के चपेट म आए हें. ये आकड़ा अभी आगे अउ बढ़ सकत हे. फिलहाल गैस के रिसाव म काबू पा लिये गे हे .
छत्तीसगढ़ के रायगढ़ म घलोक गैस रिसाव
ChannelindiaNews के बताती रायगढ़ मे गैस रिसाव के चपेट म आईन 7 मजदूर, तीन के हालत गंभीर।ये घटना म 3 मजदूर के हालत गंभीर बताय जावत हे। हादसा रायगढ़ के तेतला गांव के बताय जावत हे।
सब्बो गंभीर रुप ले बीमार लोगन ल रायपुर रेफर करे गे हे। घटना रायगढ़ के शक्ति पेपर मिल के आय। जेहा पेपर कारखाना के सफाई करे बर मजदूर ल भेजे गे रहिस हे। एही दौरान पेपर मिल में जहरीली गैस के रिसाव शुरू हो गिस,अइसन बतावत हें।
खबर हे कि मजदूर एक टैंकनुमा जगह में सफाई करत् रहिंन, तभी ये हादसा होइस। घटना के बाद अफरा-तफरी मच गिस। आनन-फानन में बेहोश पड़े मजदूर ल बाहर निकाले गिस अउ स्थानीय संजीवनी अस्पताल में भर्ती कराय गिस।
मुंगेली ले दिलीप बसंत
