मुख्यमंत्री श्री भूपेश बघेल ले गोल्फ फेडरेशन ऑफ इंडिया के जनरल सेक्रेटरी ह करिस सौजन्य मुलाकात

रायपुर, 4 फरवरी 2021। मुख्यमंत्री श्री भूपेश बघेल ले आज इहां ऊंखर रायपुर स्थित निवास कार्यालय म गोल्फ फेडरेशन ऑफ इंडिया के जनरल सेक्रेटरी श्री आर्यवीर ह सौजन्य मुलाकात करिस। उमन मुख्यमंत्री श्री बघेल ल बताइन कि गोल्फ फेडरेशन ऑफ इंडिया कोति ले छत्तीसगढ़ म ’छत्तीसगढ़ ओपन गोल्फ टूर्नामेंट’ के आयोजन करे जात हे। नवा रायपुर के सेक्टर 24 स्थित मेफेयर गोल्फ कोर्स म फरवरी महिना के आखरी हफ्ता या मार्च महिना म ये टूर्नामेंट के आयोजन प्रस्तावित हे। उमन ये टूर्नामेंट म सामिल होए के आग्रह मुख्यमंत्री श्री भूपेश बघेल ले करिस। रायपुर स्थित गोल्फ कोर्स के संस्थापक श्री महेश वाधवानी घलोक ये बेरा म उपस्थित रहिन। मुख्यमंत्री श्री भूपेश बघेल ह ये आयोजन बर श्री आर्यवीर अऊ श्री वाधवानी ल बधाई अऊ शुभकामना दीन।
श्री आर्यवीर ह मुख्यमंत्री ल बताइस कि प्रदेश म पर्यटन ल बढ़ावा देहे अऊ गोल्फ के प्रति नवा पीढ़ी ल जागरूक करे बर ये टूर्नामेंट के आयोजन करे जात हे। टूर्नामेंट म भारत, जापान अऊ कोरिया जइसे देश मन ले अंतर्राष्ट्रीय स्तर के खिलाड़ी भाग लेंहीं। रायपुर गोल्फ कोर्स के संस्थापक श्री महेश वाधवानी ह बताइस कि ये टूर्नामेंट म कई ठन देश मन के एम्बेसी के प्रतिनिधि, बिजनेस कम्युनिटी अऊ कॉरपोरेट जगत के दिग्गज घलोक सामिल होहीं। अइसनहे ये टूर्नामेंट के संगेच इन्वेस्टमेंट मीट के भव्य आयोजन होही, जेखर से राज्य म निवेश के संग पर्यटन ल घलोक बढ़ावा मिलही।