रायपुर, मुख्यमंत्री श्री भूपेश बघेल के अध्यक्षता म आज ऊंखर निवास कार्यालय म आयोजित मंत्रिपरिषद के बैठक निरनय लेहे गीस के राज्य म किसान मन के हित म कृषि अऊ ओखर से संबंधित उद्यानिकी, मछलीपालन, पशुपालन आदि संबद्ध विभाग मन के गतिविधि मन ल एके जगह ले क्रियान्वित करे बर आन विभाग मन के जइसे नवा रायपुर म कृषि भवन के निर्माण के निर्णय लेहे गीस। कृषि भवन निर्माण बर नवा रायपुर अटल नगर के सेक्टर 19 म 3.14 एकड़ जमीन के चिन्हारीके करे गए हे। एखर बर एक रूपिया टोकन म जमीन आबंटित करे के निर्णय लेहे गीस।
अइसनहे राज्य म पम्प स्टोरेज आधारित जल विद्युत परियोजना मन के स्थापना बर निवेश ल प्रोत्साहन देहे खातिर छत्तीसगढ़ राज्य जल विद्युत परियोजना (पंप स्टोरेज आधारित) स्थापना नीति 2022 के अनुमोदन करे गीस।
एकर संगें संग लघु जल विद्युत परियोजना के स्थापना ल प्रोत्साहित करे बर विभागीय नीति-2012 म बढ़ोतरी के प्रस्ताव के अनुमोदन करे गीस। अभी हाल म 25 मेगावाट क्षमता के लघु जल विद्युत परियोजना के स्थापना बर जारी अधिसूचना के अवधि फरवरी 2022 म खतम हो गे हे, एला 10 साल बर बढ़ाए के निर्णय लेहे गीस। अऊ लोक निर्माण विभाग म सहायक मानचित्रकार के 43 पद मन म नियुक्ति बर जारी चयन सूची के एक साल तक प्रभावशील रहे के वैद्यता अवधि ल शिथिल करे के निर्णय लेहे गीस।