मुख्यमंत्री के अचूक निशाना, पिट्टूल म आजमाइन हाथ

रायपुर, 01 फरवरी 2021। मुख्यमंत्री श्री भूपेश बघेल आज सुकमा के कुम्हाररास स्थित स्‍वामी आत्मानंद उत्कृष्ट अंगरेजी माध्यम स्कूल के लोकार्पण के बेरा म उहां परंपरागत खेल पिट्टूल खेलत लइका मन ल देखके अपन आप ल रोक नइ सकिन अऊ लइका मन के हाथ ले गेंद लेके पिट्टूल खेले लगिन। मुख्यमंत्री ह अपन अचूक निशानेबाजी के जौहर दिखात एकदम सटीक निशाना साधिन।
लइका मन ह अपन हाथ ले बनाय मुख्यमंत्री के पेंटिंग भेंट करिन
मुख्यमंत्री श्री बघेल ह स्‍वामी आत्मानंद अंगरेजी माध्यम स्कूल के लोकार्पण के बाद विद्यालय परिसर के अवलोकन करिन अऊ उहां पढ़ईया लईका के बनाय सुंदर कलाकृति मन घलोक देखीन। ये बेरा म कक्षा नवमी के छात्रा प्रीति सेठिया ह मुख्यमंत्री ल अपन हाथ ले बनाय उंखर सुंदर पेंटिंग भेंट करिन।