मुख्यमंत्री निवास में मईके के मया पा के गद्गद् होईस दीदी बहिनी मन
तीजा-पोरा तिहार मनाए बड़ संख्या में महिला मन पहुंचिस मुख्यमंत्री निवास
रायपुर, 22 सितम्बर 2023
मुख्यमंत्री श्री भूपेश बघेल आज ईहां अपन निवास परिसर में तीजा पोरा तिहार के अवसर म आयोजित कार्यक्रम अउ राज्य स्तरीय महिला सम्मेलन में संघरिस। छत्तीसगढ़ के स पारम्परिक तिहार ल अबड़ ही हर्षोल्लास के संग मनाए ब मुख्यमंत्री निवास में बड़ संख्या में महिला मन पहुंचिस। इहां महिला मन मईके के मया पा के खुशी ले गद्गद् हो गईस। मुख्यमंत्री श्री बघेल ए मौका म महिला मन से गोठ करत हुए कहिस कि तीजा-पोरा माता-बहिनी के खुसी अउ छत्तीसगढ़ के महत्वपूर्ण पारम्परिक तिहार हे।
कार्यक्रम में मुख्यमंत्री श्री भूपेश बघेल के संग उकर धर्मपत्नी श्रीमती मुक्तेश्वरी बघेल सहित परिवार के लोगन मन घलो संघरे रहिस हे। संग ही खाद्य एवं संस्कृति मंत्री श्री अमरजीत भगत, राज्य खनिज विकास निगम के अध्यक्ष श्री गिरीश देवांगन घलो ए अवसर म उपस्थित रहिस। ए दौरान छत्तीसगढ़ में मुख्यमंत्री श्री बघेल के नेतृत्व में राज्य सरकार कती ले महिला मन के हित में संचालित योजना के बारे म गोठ करत हुए ओकर से लाभान्वित महिला हितग्राही श्रीमती सरिता साहू, ज्योति मिथलेश, शांति चंद्रा, रेखा साहू, जयंती तथा उर्वशी वर्मा आदि मन ह घलो अपन अनुभव साझा करिस अऊ मुख्यमंत्री के प्रति आभार व्यक्त करिस।
मुख्यमंत्री श्री बघेल ह कार्यक्रम ल सम्बोधित करत हुए कहिस कि समाज में महिला मन कस महत्वपूर्ण स्थान होथे। छत्तीसगढ़ में हमन सुरू ले ही महिला मन के मान-सम्मान ल बढ़ाए के बुता सरलग करत हन। ए कड़ी में महिला मन ल आर्थिक अउ सामाजिक रूप से संपन्न बनाए ब हर संभव पहल करे जाथ हे अउ एकर लिए कतको नवा नवा योजना बना के कार्यक्रम मन के का संचालन घलो बढ़िया से करे जाथ हे।
मुख्यमंत्री श्री बघेल ह आघू बताइस कि छत्तीसगढ़ में महिला मन के हित में होवत कार्य के फलस्वरूप आज एकर स्थिति में काफी बदलाव आइस हे। वो मन राज्य में आर्थिक रूप से ही नहीं बल्कि सामाजिक रूप से घलो संपन्न हो के तेजी से आघू बाढ़त हे।